English | عربی | Kurdî دواهەواڵ
ڕاستەوخۆ  
 
هەرێمی کوردستان بەرەو سەرفرازی
2018-04-10 [12:28 PM]

نووسینی: عارف روشدی


بە داخەوە هەر کاتێک هەواڵی پێشکەوتنێک بە ئاراستەی وەدەستهێنانی مافێکی گەلەکەمان بڵاوببێتەوە، هەندێ (لایەنی سیاسی، کەناڵ و پەیجی ڕاگەیاندن)، سەغڵەت و هەناسە سوار و بێ توانادەبن، دوور لە هەر داب و نەریتێکی نیشتیمانی بەهەموو شێوەیەک هەوڵدەدەن لێرە و لەوێ، سەرەڕای لێدوانی دژ و ژەهراوی وەک شەڕێکی دەروونی، پەنا دەبەن بۆ لایەنە ڕەگەزپەرست و نەیارەکان و لە بارەی ڕووداوەکەوە داوای هەڵوێستیان لێدەکەن، بیگومان هەڵوێستی نەرێنییان دەبێت؟! دوور لە هەر بەرپرسیارەتییەک لێدوانەکانیان بە مانشێتی قەبەقەبە و ڕازاندنەوەی چەند بارە بڵاودەکەنەوە، ئەم کردار و ڕەفتارانە بە هەر پێوەرێک بێت دووڕوویی و ریایی خاوەنەکانی ئەم هەڵوێستە دەسەلمێنێ و، کە پێچەوانەی مۆرال و هەست و پابەندبونی نیشتیمانپەروەرییە، بەڵکو نمایشێکی قێزەوەن و خزمەتێکی هەرزان پێشکەش بە ناحەزانمان دەکرێت، بە شێوەیەک دەشڵەژێن کورد گووتەنی : کێچ دەکەوێتە کەوڵیان . 
بەڵام با دڵنیابن هەمو ئەو لایەنانەی دژبەرییان نواند لە ئاست کردەیەکی دیموکراتیکدا (راپرسی)، گەیشتونەتە ئەو باوەڕە، هەڵەیەکی گەورەیان کردووە، پەیتا پەیتا پێداچونەوە بە هەڵوێستەکانیان دەکەن، بۆیە گەلەکەمان و حکومەتی هەرێمی کوردستان هەمیشە بە پیادەکردنی سیاسەتی میانڕەو، سەنگین و هێزی ڕەوایەتی خواستەکانمان لە هیچ گرفتێک سڵناکاتەوە، بەخوڕاگرییەکی بێوێنە وا تەنگ و چەڵەمەکان بە دوای یەکدا پوچەڵدەکرێنەوە و کاروانی سەرفرازی کوردایەتی لێبڕاوانە بەرەو ئامانجە مێژووییەکانی هەنگاو دەنێت.





ئەم هەواڵە 1924جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad