English | عربی | Kurdî دواهەواڵ
ڕاستەوخۆ  
 
جزداشە،وەک بەشێک لە تەعریب
2018-04-11 [06:04 AM]

نووسینی: مەلا هندرێن



بەداخەوە جزداشە لەبەرکردن لەلایەن ژمارەیەک لە  پیاوانی کورد لەشاروشاروچکەکان،بۆتەدیاردەیەک، کە من بۆ خۆم هێندە پێی دڵگرانم ، کە  ئەگەر دسەلاتێکم  هەبووا بە بڕیار ئەم دیاردە ناشرینەم بنەبڕدەکردوپۆشینی جزداشەم یاساغ دەکرد .لیتان ناشارمەوە زۆر جارلەمزگەوت ویستومە بزانم چەند کەسی عەرەب لەم مزگەوتە نویژ دەکەن .هەروەها ویستومە لە هەینییەک بۆهەینیەکی تربەراورد بکەم و بزانم کەمیان کردووە یان زیاد . بەڵام بەداخەوە لەبەر ئەو برا کوردانەی کە جزداشە دەپۆشن ،هیچ کاتێک نەم توانیوە عەرەبەکان  ئەژمار بکەم . لەوە سەیرتر  ئەوەیە کە نیوەی عەرەبەکان ، بۆخۆیان لە کوردستان جزداشە لەبەرناکەن ،کەچی کوردەکانی       خۆمان، بە شانازیەوە جلی عەرەب لە بەر دەکەن  و خۆشیان پێ با دەدەن و هەندیکیان بە هەوای سەر دەمی بەعسیایەتی ،چێژی لێوەر دەگرن . داوای بووردن لەهیچ برادەرو خزمێکم ناکەم ئەگەرلەوانە بن کە جزداشە لەبەر دەکەن.بەپێچەوانەوە دەبێت ئەوان  داوای  بووردن  لەمن و خەلکی کوردستان بکەن،کە بەهۆی پۆشینی جزداشە هەست ونەستی نەتەوەیی ئێمەیان ئازارداوە.ڕەنگە دیسان ئەوقسە سواوە  دوو بارە ببێتەوە کە دەلێن : ئەمە دەمار
گیری وشۆڤێنیەتە بەرامبەر بە عەرەب،من دەلێم ئەگەرئەوە شۆقێنیەت بێت ،جگەلەوەی شانازی پێوە دەکەم ، ئەوە لەبەرکردنی جزداشە خزمەت کردنی شۆڤێنیەتی عەرەبە ،کامەی شەریف ترە با خۆێنەران بڕیاڕ بدەن .بۆیە بە کوردە خاون جزداشەکان دەلێم .چۆن شەرم داتان ناگرێت ،کە بەچاوی خۆتان  دەبینن لە یەک ملێۆن  عەرەب کە ئێستالەژێرسایەی ئاڵای کوردستان بە ئارامی و بەو پەڕی  خۆشی دەژین و شەرەف و  کەڕامەتیان پاریزراوە ،کەچی یەک عەرەبیش ئامادەیی تیا نییە .ڕۆژێک لەڕۆژان جلی کوردی لەبەربکات .عەرەب شکۆی  نەتەوەیی  خۆی  خۆش دەوێت . عەرەب شەرم لە خۆی دەکات جلی کوردی لە بەر بکات  ، ئەگەرچی لەکوردستانیش دەژین ، بەڵام ئازایانە پارێزگاری لە کەڵتوری خۆیان دەکەن.من دەست خۆشییان لێ دەکەم وڕێزلەوهەستە نەتەوەییەیان دەگرم.بەلام کوردێک لەبەر ئەوەی کەموکوڕی لە هەستی نەتەوەیی بوونی هەیە ، نەک شەرم  دای ناگرێت کەجلی عەرەبی دەپۆشیت ،بگرە خۆی پێ بادەدات ورەنگە بڵێت چ قەیدییە ،مرۆڤ ئازدە چ جلێک دەپۆشێت،مەخابن بۆ ئەوانەیکە  و ناتوانن جیاوازی بکەن لەنێوان  سیماوبەهای نەتەوەی خۆیان و سیماوبەهای نەتەوەیەکی تر.
لێرەدا دەلێم ، هیچ بیانوەک نییە بۆ لەبەر کردنی جزداشە . تە نانەت بۆ ئەو مندالانەی خەتەنەش دەکرێن .دلنیاتان دەکەوە ،ئەگەر زۆر پێویست بێت بۆمندالەکەم لەکاتی سونەت کردنی ئەوە ماکسیەکی کچانەی لەبەردەکەم باشترە لە  جزداشە .دەزانن بۆ؟ لەبەر ئەوەی هەر خاوەنی ئەم جزداشەیە بوو،ماڵی ئێمەی وێران کرد .سەدان ساڵە ژن و منداڵمان ئەنفال وزیندە بەچاڵ دەکەن .سەدان ساڵە شارو دێهاتمان وێران دەکەن . کانیاو و ڕەزو باخەکانمان لەناو دەبەن ،تەنانەت خاوەنی ئەم جزداشەبوو ،تەنها لەچەندچرکەیەک ، هەلەبجەی بەهەشتیان بە کیمیا خنکاند.شەنگاڵیان ئەتک کرد.کۆبانێیان هەپروون کرد.باوەربکەن ئەو چاو مۆنانەی لەکوردستان مێوانن و خزمەتیان دەکەین .لێۆمان لێ دەکروژن و پێیان وایە ئێمە خاک و ووڵاتی ئەوانمان داگیر کردوە .پێیان وایە شتێک نییە بەناوی کوردستان و ئەوە (شیمال الوطن)ەکوردناخۆشی کردووە.ئێستاش کەدەبینم کوردیکی شنگاڵی، چەفتەوعەگاڵ و جزداشەلەبەر  دەکات،ئەوڕاستیەم بۆ دەسەلمێتەوە کەجزداشەش بەشێکی کوشندەیە لەپڕۆسەی بەعەرەب کردنی کەلتوری کوردی ، باچیرۆکی گەیشتنی  چەفیە و عەگاڵ بەشەنگاڵی ڕەسەن کوردایەتی باس بکەم. دەگێڕنەوە لەسەرەتای دەست پێکی هەلمەتی تەعریب لە سەرەتای سەدەی ڕابردوو  .  عەرەبە فاشیستەکان لەشاری موسڵ،سوکایەتی وگاڵتە و گەپییان بەو کوردانەی شەنگاڵ دەکرد کە بە جلی کوردییەوە،بۆبازاڕکردن دەچوونە ناوبازاڕی موسڵ نەک هەرئەمە بگرە نرخیشیان لەسەرگران دەکردن                                                                             ئەمەش وای کرد ،ئێزدییە چەوساوەکان  بۆئەوەی خۆییان لەو سوکاتییە بپارێزن کەڕۆژانە بەزیادەوە  دووبارە دەبوونەوە.،چەفتەو عەگاڵ بکرن و کەدەچوون بۆ موسڵ ،بیش ئەوەی بچنە ناوشار ،لەسەریان دەکردوو کەدەگەڕانەوە بۆشەنگاڵ لەسەرییان دەکردەوەو ودەیان خستەناو زەرفێک .نەتەوەیەک ئاوا مامەڵەی سوکایەتی بە جل و بەرگی کوردەوەبکات ،چۆن دەبێت ئێمەش لێ بگەڕێین کەسانێک بەناوی ئازدی جل لەرکردنەوە .جزداشە لەبەربکات وبە شتێکی ئاسایی بزانێت. ئەم دیاردەکاریگەری ڕاستەوخۆی لەسەرپرۆسەی تەعریب هەیە و دەستی دوژمنیش لەپشتیەوە بەدی دەکرێت .
 لەکۆتایی دا لەئازیزانم داواکارم ،ئەگەر لەگەڵ من هاوڕان ،یان ئەم بابەتە شیربکەن ،یانیش لە پەیج و ئەکاونتی خوتان ،پۆستێک دژی دیاردەی جزداشە بڵاوبکەنەوە .ئەگەر تەنها بەدوو ووشەش بێت .باهەڵمەتێک بۆ نەهێشتنی ئەم دیاردە دەست پێ بکەین ،ئەمەش لەپێناو پاراستنی کەڵتوری نەتەوایەتیمانە لەکوردستان .نەک دژایەتی کردنی کەڵتوری نەتەوەیەکی تر





ئەم هەواڵە 2713جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad