English | عربی | Kurdî دواهەواڵ
ڕاستەوخۆ  
 
زەوی بەسەر كەسوكاری شەهیدان و ئەنفالكراوان دابەش دەكرێت
2018-04-17 [10:29 AM]

​ZNA - هەولێر


بەرپرسێكی وەزارەتی كاروباری شەهیدان ئاشكرای دەكات بە دوو شێوە زەوی دەدرێتە كەسوكاری شەهیدان و جینۆساید و فەرمانەكانیش دەركراون.

بەرەڤان حەمدی بەڕێوەبەری گشتی لە وەزارەتی كاروباری شەهیدان بە باسی راگەیاند: بڕیارێكی ئەنجومەنی وەزیران دەرچووە بە پێدانی زەوی بە كەسوكاری شەهیدان و ئەنفال ، هەروەها  10 هەزارو 49 كەس فەرمانی پێشوویان هەبوو بۆ وەرگرتنی زەوی  بەڵام زەویان پێنەدراوە ئەوانە فەرمانەكانیان بۆ تازە كراوەتەوە، هەروەها 11 هەزار و 140 كەسیش فەرمانی تازەیان بۆ دەرچووە بۆ پێدانی زەوی ئەوەی ماوەتەوە چاوەڕوانی وەزارەتی شارەوانی دەكەین بۆ دیاریكردنی زەویەكان.

بە گوێرەی زانیارییەكان لەو 11 هەزار و 140 زەویە، 5 هەزار و 69 پارچەزەوی بۆڕاگیراوانی سیاسیی ڕزگاربووی شاڵاوەكانی ئەنفالن، 3 هەزار و 398 پارچەزەوی بۆ شەهیدانی سەنگەری جینۆساید و 2 هەزار و 674 پارچەزەوییش بۆ زیندانیانی سیاسین.

حەمدی ئاشكراشیكرد: هەركات نەخشەی زەویەكان تەواو بێت لە وەزارەتی شارەوانی ئەو زەویانە دەدرێتە كەسوكاری شەهیدان و ئەنفال لە شوێنە جیاوازەكانی هەرێمی كوردستان.

ئە وبەرپرسەی وەزارەتی كاروباری شەهیدان  روونی كردەوە بۆ دابەشكردنی ئەو زەویانە رێكاری دەركردنی فەرمان لە ئەنجومەنی وەزیران دەرچووە" ئێمە چاوەڕوانی وەزارەتی شارەوانین تاوەكو زەوی دیاری نەكرێت بەپێی شوێنی جوگرافی ئێمە ناتوانین دابەشیان بكەین، ئەوەی لەسەر ئێمەیە رەزامەندی ئەنجومەنی وەزیران و شارەوانیان بۆ وەربگرین پاش ئەوە لە هەر پارێزگاو قەزایەك  زەوی ئامادە هەبێت دابەش دەكرێت.

ئەو گوتیشی، "بەپێی هەردوویاسای ژمارە 9ـی ماف و ئیمتیازاتەكانی وەزارەتی شەهیدان و ئەنفالكراوان ژمارە 11ـی زیندانیانی سیاسی، وەزارەتی شەهیدان بەدواداچوون بۆ ئەم كەسانە دەكات كە زەوییان پێ دەدرێـت، چونكە نابێ تا ئێستا سوودمەند بووبن".

بەپێی ئاماری وەزارەتی كاروباری شەهیدان زیاتر لە 70 هەزار كەس وەكو وارسی شەهید و ئەنفالكراو لای  حكوومەت تۆماركراون، بەشی زۆری ئەوانە بە تایبەت شەهیدانی سەنگەر و ئەنفالكراوەكان زەویان لە لایەن حكوومەت پێدراوە.

 





ئەم هەواڵە 3850جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad