English | عربی | Kurdî دواهەواڵ
ڕاستەوخۆ  
 
ئه‌نجومه‌نی وه‌زیران له‌ ساڵیادی بۆمبارانی قه‌ڵادزێدا په‌یامێك بڵاو ده‌كاته‌وه‌
2018-04-24 [06:24 AM]

ZNA- ھەولێر


 

ئه‌نجوومه‌نی وه‌زیرانی هه‌رێمی كوردستان له‌ ساڵیادی بۆمبا بارانكردنی شاری قه‌ڵادزێ په‌یامێك بڵاوده‌كاته‌وه‌و رایده‌گه‌یه‌نێت: ڕژێمی به‌عس ئه‌و ڕۆژه‌ ڕه‌شترین ڕق و قینی خۆی به‌سه‌ر قه‌ڵادزێدا باراند و ویستی به‌ ته‌واوی شار و ئیراده‌ی گه‌لی كوردستان له‌ناو به‌رێت، به‌ڵام ئه‌وه‌ی ئاكامی تیاچوون بوو، سته‌مكاران و مه‌رگدۆستانی ئه‌و ڕژێمه‌ بوو كه‌ كوردستانی خستبووه‌ به‌ر شاڵاوی بۆمباران و كیمیاباران و سووتاندن و ڕاگواستنی زۆره‌ملێ. 

ڕاشیگه‌یاند: قه‌ڵادزێ و شار و گونده‌كانمان به‌ سه‌ربه‌رزی و خۆڕاگری مانه‌وه‌ و ئیراده‌ی ژیاندۆستی و ئاوه‌دانكردنه‌وه‌ و شارستانیی گه‌له‌كه‌مان سه‌ركه‌وت، ئێستاش له‌جێی زانكۆیه‌كی شه‌هید، كوردستانییان خاوه‌نی ده‌یان زانكۆی سه‌رده‌میانه‌ن.

ئه‌مه‌ش ده‌قی په‌یامه‌كه‌یه‌..

" ئه‌مڕۆ چل و چوار ساڵ به‌سه‌ر بۆمبارانكردنی شاری خۆڕاگری قه‌ڵادزێ له‌سه‌ر ده‌ستی ڕژێمی پێشووی عێراقدا تێده‌په‌ڕێت كه‌ بووه‌ هۆی شه‌هیدبوون و برینداربوونی ده‌یان ڕۆڵه‌ی كوردستان، وێڕای به‌ ئامانجگرتنی زانكۆی سلێمانی كه‌ ئه‌و ده‌مه‌ له‌ سه‌روه‌ختی شۆڕشی ئه‌یلوولدا شاری قه‌ڵادزێی ئازاد له‌ ئامێزی گرتبوو.

ڕژێم ئه‌و ڕۆژه‌ ڕه‌شترین ڕق و قینی خۆی به‌سه‌ر قه‌ڵادزێدا باراند و ویستی به‌ ته‌واوی شار و ئیراده‌ی گه‌لی كوردستان له‌ناو به‌رێت، به‌ڵام ئه‌وه‌ی ئاكامی تیاچوون بوو، سته‌مكاران و مه‌رگدۆستانی ئه‌و ڕژێمه‌ بوو كه‌ كوردستانی خستبووه‌ به‌ر شاڵاوی بۆمباران و كیمیاباران و سووتاندن و ڕاگواستنی زۆره‌ملێ. قه‌ڵادزێ و شار و گونده‌كانمان به‌ سه‌ربه‌رزی و خۆڕاگری مانه‌وه‌ و ئیراده‌ی ژیاندۆستی و ئاوه‌دانكردنه‌وه‌ و شارستانیی گه‌له‌كه‌مان سه‌ركه‌وت، ئێستاش له‌جێی زانكۆیه‌كی شه‌هید، كوردستانییان خاوه‌نی ده‌یان زانكۆی سه‌رده‌میانه‌ن.

ئاوه‌دانكردنه‌وه‌ و سڕینه‌وه‌ی كاریگه‌ری و ئاسه‌واره‌ نه‌رێنییه‌كانی ده‌یان ساڵه‌ی سیاسه‌تی وێرانكردن و به‌سووتماككردنی كوردستان له‌سه‌ر ده‌ستی ڕژێمه‌ سته‌مكاره‌كانی عێراق، له‌ هه‌موو لایه‌نه‌ ئابووری و كۆمه‌ڵایه‌تی و ده‌روونی و فه‌رهه‌نگییه‌كانه‌وه‌، له‌ پلان و كاره‌ هه‌ره‌ له‌پێشینه‌كانی حكوومه‌تی هه‌رێمی كوردستانه‌ و له‌ هه‌موو ڕوویه‌كه‌وه‌ كاری بۆ ده‌كات.

له‌م یاده‌دا، دروود و سڵاو بۆ گیانی پاكی شه‌هیدانی بۆمبارانی ساڵی ١٩٧٤ و ڕاپه‌ڕینه‌ پیرۆزه‌كه‌ی ساڵی ١٩٨٢ی قه‌ڵادزێی خۆڕاگر و سه‌رجه‌م شه‌هیدانی كوردستان".

ئه‌نجومه‌نی وه‌زیرانی هه‌رێمی كوردستان

24/4/2018





ئەم هەواڵە 3823جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad