English | عربی | Kurdî دواهەواڵ
ڕاستەوخۆ  
 
ھەلبژاردن کێشە دەخاتە نێوان شیعەکان
2018-04-28 [08:45 AM]

ZNA- ھەولێر


هادى عامرى، سه‌ركرده‌ى میلیشیاكانى حه‌شدى شه‌عبى و سه‌رۆكى ئیئتیلافی فه‌تح كه‌ له‌ گرووپه‌ چه‌كداره‌كانى نزیك له‌ ئێران پێكهاتووه‌، وه‌ڵامى تۆمه‌ت و هێرشه‌كانى موقته‌دا سه‌در ده‌داته‌وه‌ و ڕای ده‌گه‌یه‌نێت، ناوى حه‌شدى شه‌عبى بۆ بانگه‌شه‌ به‌كار ناهێنن.

 

 (موقته‌دا سه‌در ڕێبه‌رى ڕه‌وتى سه‌در، له‌ وه‌ڵامى پرسیارى یه‌كێك له‌ شوێنه‌كه‌وتووانى ڕه‌وته‌كه‌ى، نووسیویه‌تى: "به‌ هاوپه‌یمانى فه‌تح ده‌ڵێم، زۆرجار گرته‌ ڤیدیۆییه‌كانتان له‌ تۆڕه‌ كۆمه‌ڵایه‌تییه‌كان ده‌بینم، له‌ بانگه‌شه‌كاندا ناوى حه‌شدى شه‌عبی ده‌قۆزنه‌وه‌ بۆ ئه‌وه‌ى ده‌نگی زیاترى پێ كۆ بكه‌نه‌وه‌، به‌تایبه‌ت كه‌ به‌شێكتان جگه‌ له‌وه‌ مێژوویه‌كی شه‌ریفانه‌ى نییه‌".

 

له‌وه‌ڵامدا، هادى عامرى، سه‌رۆكى ئیئتیلافی فه‌تح، ڕای گه‌یاند: "ئێمه‌ بۆ هه‌ڵبژاردنه‌كان شه‌ڕی داعشمان نه‌كردووه‌، ناشمانه‌وێت كه‌س له‌سه‌ر ئه‌و بنه‌مایه‌ پاداشتمان بداته‌وه‌".

 

هه‌روه‌ها گوتیشی: "نامانه‌وێت كه‌س بۆچوونى خۆینمان له‌و باره‌یه‌وه‌ پێبڵێت، پرۆژه‌ى ئه‌مڕۆی ئێمه‌ حه‌شدى شه‌عبی نیه‌".

 

به‌ڵام موقته‌دا سه‌در، له‌لێدوانه‌كه‌یدا ئه‌وه‌شى دووپاتكرده‌وه‌، كه‌ قۆستنه‌وه‌ى ناوى حه‌شدى شه‌عبى بۆ هه‌ڵبژاردنه‌كان، یاخیبوونه‌ له‌ گوته‌ى مه‌رجه‌عى باڵاى شیعه‌كان (عه‌لى سیستانى) و سه‌رجه‌م مه‌رجعه‌كانى تر، هه‌روه‌ها نووسیویه‌تى: "باوه‌ڕ ناكه‌م كه‌سێكى ژیر هه‌بێت ڕازی بێت به‌وه‌ى شه‌ڕى دژ به‌ داعش بكرێته‌ بابه‌تێكى بانگه‌شه‌".





ئەم هەواڵە 6832جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad