English | عربی | Kurdî دواهەواڵ
ڕاستەوخۆ  
 
پارەی كۆن و دڕاو لە هاوڵاتیان وەردەگیرێتەوە و پاره‌ی تازه‌یان پێده‌درێت
2018-05-01 [07:53 AM]

​ZNA – هه‌ولێر


بڕیاره‌  ئەو دراوە كۆنانه‌ی لە بازاڕەكان هەیە و بەشێكیشیان دڕاون، بانكی ناوه‌ندی دەست بكات بە گۆرینەوەی ئەو دراوانە.

عابد ساڵح، بەڕێوەبەری گشتیی بانكی ناوەندی لە هەرێمی كوردستان بە باسی راگەیاند: دوای كردنەوەی لقی هەولێری بانكی ناوەندی عێراق خەریكی چەند كارێكین بۆ ئەوەی لە داهاتوو ئەنجام بدرێت، پارەی كۆن لە خەڵك وەردەگرین و دواتر پارەی تازەیان پێ دەدرێتەوە بە تایبەت دراوی 250ی و 500 ى و هەزارى و 5 هەزاری.

ئه‌و ئاماژەی بەوەدا: لە ماوەی پێشووتردا بەشێك لە دراوە دڕاوەكانیان بۆ خەڵك گۆڕیەوە بەڵام قەبارەی پارە دڕاوەكان زۆرە و پێویستی بە پارەی زیاتر هەیە.

پێشووتر بڕی 10% باج لە بەرامبەر گۆڕینەوەی پارەی دڕوا هەبوو بۆ نمونە لە 100 هەزاری دڕاو  90 هەزاری پارەی نوێ بە هاوڵاتیان دەدرایەوە بەڵام دواتر ئەو باجە هەڵگیرا.

بەڵام عابد  دەڵێت: لە ماوەی داهاتوودا لە رێگەی بانكەكان خەڵك پارە كۆن و دڕاوەكان دەبەن و ئەوانیش بۆ ئێمەیان دەهێنین و ئاڵوگۆڕەكە دەكرێت بۆ ئەو مەبەستەش رێنمایی دەردەكرێت.

بەپێی مەزندەی شارەزایان زیاتر لە 2 تریلیۆن دیناری دراوی عێراقی  لە هەرێمی كوردستان هەیە و لە بازارەكان و لە دەستی خەڵك مامەڵەی پێ دەكرێت.

 





ئەم هەواڵە 14449جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad