English | عربی | Kurdî دواهەواڵ
ڕاستەوخۆ  
 
سەرکردەێکی سونە: جیابوونەوەی مالیکی و عەبادی بۆ خۆلکردنە چاوی سونەکانە
2018-05-01 [09:17 AM]

ZNA- ھەولێر


هاوپه‌یمانی "نه‌ینه‌وا ناسنامه‌ی ئێمه‌یه‌" به‌ سه‌رۆكایه‌تی محه‌مه‌د ئێقبال، وه‌زیری ئێستای په‌روه‌رده‌ی عێراق ئاشكرایكرد، به‌شداریكردنی حزبی ده‌عوه‌ به‌ دوو لیستی جیاوازی ده‌وڵه‌تی قانوون به‌ سه‌رۆكایه‌تی نوری مالكی، جێگری سه‌رۆك كۆمار و هاوپه‌یمانێتی نه‌سر به‌ سه‌رۆكایه‌تی حه‌یده‌ر عه‌بادی سه‌رۆك وه‌زیرانی ئێستای عێراق له‌ هه‌ڵبژاردنه‌كاندا، بۆ خۆڵكردنه‌ چاوی سوننه‌كانه‌ و ته‌نیا تاكتیكێكه‌ بۆ مانه‌وه‌ی شیعه‌ له‌ده‌سه‌ڵاتدا.

له‌ به‌یاننامه‌یه‌كدا هاوپه‌یمانێتی "نه‌ینه‌وا ناسنامه‌ی ئێمه‌یه‌" دووپاتیكرده‌وه‌، "مه‌به‌ستی باڵی عه‌بادی له‌ به‌شداریكردن له‌ هه‌ڵبژاردنه‌كاندا له‌ پارێزگای نه‌ینه‌وا، ته‌نیا بۆ به‌ده‌ستهێنانی ده‌نگی سوننه‌كانی ئه‌و پارێزگایه‌یه‌، چونكه‌ حزبی ده‌عوه‌ ده‌زانێت كه‌س له‌و شاره‌ ده‌نگ به‌ مالكی نادات، هه‌ربۆیه‌ش باڵه‌كه‌ی مالكی له‌و شاره‌ به‌شداری هه‌ڵبژاردنه‌كانی نه‌كردووه".

وه‌ك له‌ به‌یاننامه‌كه‌دا هاتووه‌، "جیابوونه‌وه‌ی عه‌بادی و مالكی ته‌نیا تاكتیكێكی حزبی ده‌عوه‌یه‌، بۆ ئه‌وه‌ی جگه‌ له‌ ده‌نگی شیعه‌كان، هه‌روه‌ها ده‌نگی سوننه‌ش بۆخۆیان مسۆگه‌ر بكه‌ن و، دوای هه‌ڵبژاردن یه‌كبگرنه‌وه‌، تاوه‌كو له‌ده‌سه‌ڵاتدا بمێننه‌وه‌ و، پۆستی سه‌رۆك وه‌زیرانیش هه‌ر پشكی حزبی ده‌عوه‌ بێت".

به‌یاننامه‌كه‌ جه‌ختیش ده‌كاته‌وه‌، "مانه‌وه‌ی پۆستی سه‌رۆكایه‌تی حكوومه‌ت به‌ده‌ست حزبی ده‌عوه‌وه‌، مانای وایه‌ كه‌ هیچ گۆڕانكارییه‌ك له‌ واقعی سیاسی عێراقدا ناكرێت و، زنجیره‌ی شكست و گه‌نده‌ڵی و قۆرخكاریی ده‌سه‌ڵات له‌ عێراق به‌رده‌وام ده‌بێت".

ئه‌و هاوپه‌یمانێتییه‌ هۆشداریشی دایه‌ خه‌ڵكی نه‌ینه‌وا و پێكهاته‌ی سوننی به‌گشتی، به‌وه‌ی كه‌ پێویسته‌ درك به‌و تاكتیك و فێڵانه‌ی حزبی ده‌عوه‌ بكه‌ن و هه‌ڵنه‌خه‌ڵه‌تێن و، هه‌رگیز رێگه‌ نه‌ده‌ن ئه‌و ئامانجه‌ی به‌ده‌ست بهێنێت، كه‌ ده‌ره‌نجامه‌كه‌ی فه‌رامۆشكردن و ماڵوێرانی سوننه‌كان به‌دوای خۆیدا ده‌هێنێت.





ئەم هەواڵە 5794جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad