English | عربی | Kurdî دواهەواڵ
ڕاستەوخۆ  
 
بۆچی پارتی؟
2018-05-02 [11:26 AM]

نووسيني: ئاریان فەرەج


پرسیارێك هەیە حەق وایە هەر هاوڵاتییەكی هۆشیاری كوردستان لە خۆی بكات: بۆچی تیری ناحەزانی كورد هەمیشە ڕووی لە پارتییە، بۆ تەنیا پارتی دەبین و دەیانەوێ لاوازی بكەن. ئەدی بۆچی دواجاریش هەر رودەكەنەوە پارتی و بە ناچاری مامەڵە لەگەڵ پارتی دەكەن؟؟ 
ئەم حەقیقەتە نوێ نییە، كاتی خۆی رژێمی بەعسییش تا توانی شەڕی بارزانی و پارتی كرد و لایەكی بزوتنەوەی كوردیش دابویە پاڵی و بە هەمویان تەنگیان بە پێشمەرگەی پارتی هەڵچنیبوو، هەرچی تیری هەبوو گرتیە سینگی پارتی، كەچی دواجاریش كە وویستی دانوستانی جددی لەگەڵ كورد بكات، لە دەرگای پارتی دا و رووی كردە بارزانی و ئەو هەموو جاش و چەكدارەشی مەرەخەس كرد. راشكاوانەش ووتی كە شەڕ و ئاشتییش هەر لەگەڵ پارتی دەكرێ. 
ئەمجارەش، هەمان حەقیقەت دوبارە بۆوە، زۆرێك لەوانەی لە بەغدا بە عەقڵی رابردوو بیردەكەنەوە، كەوتنە سەنگەگرتن لە پارتی و بارزانی، شەقامی عەرەبی عێراقیان لە دژی پارتی هاندا، لەبەغداوە هەڕەشەیان دەنارد و هەرچییان پێكرا بە دژی پرۆژە حوكمڕانییەكی پارتی كردییان بەو ئومێدەی بیشكێنن. زۆرێك لە حزبە خۆماڵییەكانیش، ئەوپەڕی هاوكارییان كردن. بەو دواییە هیچ نەما نەیخەنە خزمەت بەغدا: ووتیان پشتت دەگرین هەموو كوردستان بگریتەوە، بە ناوی حكومەتی ئینقازەوە، قەوارەی هەرێمت بۆ دەڕوخێنین و سێ پارێزگای بێ ناسنامە و پاشكۆت تەسلیم دەكەین، دەبینە پارێزەری وەحدەی عێراق. سەركز و موتیعی مەركەز دەبین. دۆزی نەتەوەیی كوردت لە كەچە معاشێكدا بۆ بچوكدەكەینەوە و وا دەكەین تاكی كورد لە پێناو موچەدا دەستبەرداری هەموو مافە سیاسییەكانی بێت. نە هەرێممان دەوێ و نە فدراڵی، بە لامەركەزیەكی موحافەزات مەمنون دەبین. تەنیا بەو مەرجەی مامەڵە لەگەڵ پارتی و حكومەتی هەرێم نەكەیت و بوار نەدەی هەستنەوە سەرپێ. 
بەغدا ئەگەرچی لە سەرەتادا ودوای ئەوەی لە كەركوك بۆی چووە سەر، خەونی روخانی هەرێمی لە خەیاڵدا بوو و شەڕی هێنایە بەردەرگای پارتی و ئەگەرچی بە هاندان و لەسەر قسەی ئەوان تا پێیكرا سیاسەتی برسیكردنی درێژەپێدا و فشاری زۆری بۆ پارتی هێنا، بەڵام دواجار و وەك هەموو ئەزمونەكانی رابردوو، هاتەوە سەر رێی پارتی و دانوستان لەگەڵ پارتی و مامەڵە لەگەڵ حكومەتی هەرێم و هەنگاونان بە ئاڕاستەی دروستدا. 
پارتییەكان و ئەوانەی دەنگ و متمانە بە پارتی دەدەن، تێدەگەن و لایان روونە كە یار و نەیاری كورد كۆكن لەسەر ئەوەی نوێنەری دۆزی كورد پارتییە، قارەمانی شەڕ و ئاشتی، مقاوەمە و دانوستان هەر پارتییە. بۆیە دەنگی كوردیش هەر شایستەی پارتییە.





ئەم هەواڵە 2146جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad