English | عربی | Kurdî دواهەواڵ
ڕاستەوخۆ  
 
ئێران و هەرێمی کوردستان بۆ گەشەی پێوەندییەکانی نێوانیان ڕێککەوتوون
2018-05-03 [01:06 AM]

ZNA - هه‌ولێر


وەزیری بازرگانیی کۆماری ئیسلامیی ئێران جەختی کردەوە بەنیازین سیستەمی ئازادی بازرگانی لە نێوان دوو لایەندا دروست بکەین و ئەوش دەتوانێت ببێتە هۆی فراوان بوونی سەرمایەدانان لە هەردوو وڵاتدا.

محەمەد شەریعەتمەداری وەزیری بازرگانیی کۆماری ئیسلامیی ئێران ڕۆژی چوارشەمە لە دەستپێکی ڕێوڕەسمی دەرفەتە ئابوورییەکانی ئێران و هەرێمی کوردستان لە شاری هەولێر جەختی کرده‌وه‌ لەسەر پێوەندی لە ئاستی باڵای سیاسی لە نێوان ئێران و هەرێمی کوردستان عێراق و گەشەی پێوەندیی ئابووری هەمە لایەنە لە نێوانیاندا.

شەریعەتمەداری هیوای خواست ئەو کۆڕبەندە دەرفەتێک بێت بۆ ناساندنی توانا ئابوورییەکانی نێوان ئێران و هەرێمی کوردستان.

وەزیری بازرگانیی ئێران وتيشی، لە دانووستانەکانماندا لەگەڵ سەرۆک وەزیرانی هەرێمی کوردستان لەسەر پێکهێنانی کۆمیتەی هاوبەش لە نێوان ئێران و هەرێمی کوردستان ڕێککەوتووین.

دوێنێ چوارشه‌ممه‌ چواره‌م كۆنفرانسی ئابووریی كوردستان به ‌چاودێریی سه‌رۆكی حكوومه‌تی هه‌رێم بۆ په‌ره‌پێدانی ئاڵوگۆڕی بازرگانی له ‌نێوان هه‌رێم و ئێراندا ده‌ستی به ‌كاره‌كانی كرد و ئه‌مڕۆش كۆتاییی به‌ كاره‌كانی كۆنفرانسه‌كه‌ هات.

به‌ڕێوەبه‌ری گشتیی په‌یوه‌ندییه‌كانی نێوان هه‌رێم و ئێران، عه‌بدوڵڵا ئاكره‌یی، kdp ڕاگه‌یاندوه‌، كۆنفرانسی په‌ره‌پێدانی ئاڵوگۆڕی بازرگانی له ‌نێوان هه‌رێم و ئێران ئه‌نجامی باش بووه‌ و مه‌به‌ست له‌و كۆنفرانسه‌ش بۆ ئه‌وه‌یە ئاستی ئاڵوگۆڕی بازرگانی زیاد بكرێتەوە بۆ ڕادەیەی لە پێش شه‌ڕی داعشدا هەبوو، بۆیه‌ ئێستا ئاستی ئاڵوگۆڕی بازرگانی نیزیكه‌ی سێ ملیار دۆلاره‌ و له‌ هه‌وڵداین به‌رزی بكه‌ینه‌وه‌ بۆ شه‌ش تا هه‌شت ملیار دۆلار و هه‌وڵی جددیش ده‌ده‌ین بۆ ئه‌و كاره‌.

 

 





ئەم هەواڵە 6421جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad