English | عربی | Kurdî دواهەواڵ
ڕاستەوخۆ  
 
گرینگترین 10 ئاماری مێژوویی له‌ باره‌ی كلاسیكۆ
2018-05-05 [08:29 AM]

ZNA- ھەولێر


رۆژی یەکشەممە کلاسیکۆی زەوی لە نێوان بارسێلۆنا و ریال مەدرید بەڕێوەدەچێت، پێگەی بی بی سی بریتانیا چەند ئامارھێکی گرنگی مێژوویی کلاسیکۆی ئیسپانیای بڵاو کردەوە.

گرینگترین ئامار و راستییەکان لە بارەی کلاسیکۆ:-

١ـ بارسێلۆنا و ریال مەدرید لە سەرجەم پاڵەوانێتییەکان ٢٣٧ کلاسیکۆیان ئەنجام داوە، بارسێلۆنا ٩٣ بردنەوە، ریال مەرید ٩٥ بردنەوە، ٢٩ یاریش بەیەکسانبوون تەواو بووە.

٢ـ بارسێلۆنا لە دوایین یاری خۆی لە کلاسیکۆ لە یاریگەی کامپ نوو نەیتوانیوە سەرکەوتن تۆمار بکات، ٢ شکست و یەک بەرامبەربوونی تۆمار کردووە.

٣ـ ریال مەدرید ٣٩٩ کۆڵی لە کلاسیکۆ کردووە و بارسێلۆنا خاوەنی ٣٨٧ گۆڵە.

٤ـ بارسێلۆنا کاتێک لە لالیگا کلاسیکۆی لە نێو یاریگەی خۆی بەرامبەر ریال کردووە ٤٩ بردنەوە و ١٨ یەکسانبوون و ٢٠ شکستی تۆمار کردووە.

٥ـ بارسێلۆنا یەکەمجار لە وەرزی ٢٠١٣ ـ ٢٠١٤ لە ژێر سەرپەرشتی جیراردۆ مارتینۆ توانی لە یاریی چوون و ھاتن لە لالیگا شکست بە ریال مەدرید بێنێت.

٦ـ بارسێلۆنا لە دوایین ٢٠ یاری رابردووی لە کلاسیکۆی لالیگا توانیویەتی گۆڵ تۆمار بکات (٤٦) گۆڵ، بەمەش بارسا تاکە یانەیە لە کلاسیکۆ خاوەنی درێژترین زنجیرەی گۆڵتۆمارکردنە، ریال مەدرید پلەی دووەم دێت کاتێک لە نێوان وەرزی ١٩٥٩ ـ ١٩٦٩ بە بەردەوامی لە کلاسیکۆ گۆڵی دەکرد و (٢٢) گۆڵی لەو ماوەیە لە بارسا کرد بوو.

٧ـ لیۆنێل مێسی لە کۆی ٣٧ یاری لە کلاسیکۆ ٢٥ گۆڵی کردووە، بەمەش گۆڵکاری مێژوی کلاسیکۆیە، لە پلەی دووەم دی ستیفانۆ بە ١٨ گۆڵ دێت، لە پلەی سێیەمش کریستیانۆ بە ١٧ گۆڵ دێت.

٨ـ لیۆنێل مێسی لە دوایین ٤ یاری لە کامپ نوو نەیتوانیوە گۆڵ بکات.

٩ـ کریستیانۆ لە دوایین ١١ سەردانی بۆ کامپ نوو ١١ گۆڵی گردووە.

١٠ـ ریال مەدرید لە ٣١ یاری کلاسیکۆ ١٤ کارتی سووری وەرگرتووە.‌

کوردستان٢٤





ئەم هەواڵە 7609جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad