English | عربی | Kurdî دواهەواڵ
ڕاستەوخۆ  
 
لیستەکەی عەبادی لە سلێمانی بەھۆی ناکۆکی ناوخۆی ھەلدەوەشێتەوە
2018-05-07 [06:20 AM]

ZNA- ھەولێر


لیستەكەی حەیدەر عەبادی، سەرۆكوەزیرانی عێراق لە شارەكانی هەرێمی كوردستان بەهۆی كێشە نێوخۆییەكانیەوە نایپەرژێتە سەر ئەوەی بانگەشە بكات. بەربژێرێكی ئەو لیستە لە پارێزگای سلێمانی دەڵێت "هەرچی بەڵێنی كە پێیاندابووین، درۆ دەرچوون".  

بەكر حەبیب كە لەسەر پۆستەرەكانی بە مەلا بەكر خۆی بە دەنگدەران دەناسێنێ، دەڵێ لەوەتەی هەیە ناسنامەی هیچ حیزبێكی نەخستووەتە گیرفانییەوە. بە گوتەی خۆی لە نزیكەوە كێشە و كەموكورتی ژیانی خەڵكی بینیوە، بۆیە ئەو هەڵبژاردنەی بە دەرفەت زانیوە بۆ ئەوەی لەسەر لیستی عەبادی خۆی بپاڵێوێ و لەو رێگایەوە خزمەت بە خەڵكی شارەكەی بكات. 

ئەو بەربژێرەی لیستی نەسر لە سلێمانی دەڵێت، لەسەرەتاوە هەموو بەربژێرە كوردەكانی نێو ئەو لیستە دڵخۆش بوون و بەڵێنی زۆریان پێدرا لەلایەن عەبادی بۆ ئەوەی بتوانن متمانەی دەنگدەران بەدەستبێنن. بەڵام ئێستا باسی كێشە و كەموكورتییە نێوخۆییەكانی لیستەكەیان دەكات لە پارێزگای سلێمانی و دەڵێ: "ئێمە 9 بەربژێرین، كەچی ژمارە 10 لە لیستەكەماندا هەیە، كەس نازانێ ئەو ژمارەیە چییە و كێیە و بۆچی دانراوە". 

لیستەكەی حەیدەر عەبادی، هەر لە سەرەتاوە پاڵێوراوی ژمارە یەكی لەلایەن كۆمیسیۆنەوە رەتكرایەوە. هەرچەندە كەسێكی دیكەیان لە شوێنی دانا، بەڵام دیسان ئەویش رەتكرایەوە. بەكر حەبیب دەڵێ: "من خەڵكی ئەسڵی شارەكەم، داوام كرد ژمارە یەك بدەنە من، كەچی ژمارە 2 لای ئێمە سەرۆكی لیستە، ئافرەتێكیان داناوە نازانێ بە كوردی قسە بكات و خزمی بەرپرسێكی حیزبیی ئەم شارەیە"، زۆرتر لەبارەی بەربژێرەكانەوە دەڵێ: "ژمارە سێ‌ پیاوێكی توركمانی خەڵكی تەلەعفەرە و لەكاتی داگیركردنی عەفریندا بزەی سمێڵی دەهات، هەرچەندە كردم بە هەرا لەگەڵی لەسەر ئەوە، بەڕاستی ئەم لیستە لیستێكی كوردی نییە و پێم قبوڵ ناكرێ بەو شێوەیە". 





ئەم هەواڵە 8131جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad