English | عربی | Kurdî دواهەواڵ
ڕاستەوخۆ  
 
ئەمرۆ دەنگدانی تایبەت دەستی پێکرد
2018-05-10 [05:09 AM]

ZNA- ھەولێر


ئەمڕۆ دەنگدانی تایبەت لە ناوخۆی عێراق و ھەرێمی كوردستان و دەنگدانی عێراقییەكانی دەرەوەی وڵات، بۆ خولی داھاتووی ئەنجوومەنی نوێنەرانی عێراق بەڕێوەدەچێت.

لە كاتژمێر 7بەیانی تا 6 ئێوارە، دەنگدانی ھێزە ئەمنییەكان بەڕێوەدەچێت، كە تێیدا ئەندامانی ھێزە ئەمنییەكان لەو بنكانەی بۆیان دیاریكراوە، دەنگی خۆیان دەدەن، بە پێی ئامارەكانی كۆمیسیۆن، نزیكەی 940 ھەزار كەس مافی بەشداریان لە دەنگدانی تایبەت ھەیە و 492 بنكە بۆ پرۆسەی دەنگدانی تایبەت كراونەتەوە

ھەر ئەمڕۆ لە دەرەوەی عێراقیش دەنگدانی پەنابەرانی عێراق دەستیپێكردووە و دوو رۆژ بەردەوام دەبێت. كە بەپێی كۆمیسیۆنی ھەڵبژاردنەكانی عێراق، لە 21 وڵات سندووقی دەنگدان داندراون و عێراقییەكان لە رێوشوێنەكانی دەنگدان ئامادە كراون و بە پێی ئامارەكان، زیاتر لە 900 ھەزار كەس لە دەرەوەی عێراق مافی دەنگدانیان ھەیە و دەنگدانیش وەك ناوخۆ بە شێوەی ئەلیكترۆنی نییە، بەڵكو ھەر ھاووڵاتییەكی عێراق لە دەرەوە داوای دوو ناسنامەی فەرمیی لێدەكرێت، دواتر دەتوانێت دەنگ بدات و یەكەم وڵاتیش كە دەنگدان لێی دەستیپێكردووە، نیوزلەندایە.

شەش ھەزار و 986 كاندید لە 320 لیست و كیانی سیاسی، كێبركێ لەسەر 328 كورسی ئەنجوومەنی نوێنەرانی عێراق دەكەن و كاتژمێر 12ی ئەمشەویش بانگەشەی ھەڵبژاردن كۆتایی دێت، رۆژی 12/5/2018، ھەڵبژاردنی گشتی لەناوخۆی عێراق دەست پێدەكات.





ئەم هەواڵە 14317جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad