English | عربی | Kurdî دواهەواڵ
ڕاستەوخۆ  
 
ھەولێکی تیرۆرکردنی پوتین پوچەل دەکرێتەوە
2018-05-12 [06:49 AM]

ZNA- ھەولێر


وەزارەتی دەرەوەی رووسیا نهێنییەک لەبارەی هەوڵێکی تیرۆرکردنی سەرۆک کۆماری وڵاتەکەی ئاشکرا دەکات.

 

رۆژی شەممە 12/5/2018، ئۆلیگ سیرۆمۆلۆتۆڤ، جێگری وەزیری دەرەوەی رووسیا رایگەیاندووە، دەزگای هەواڵگریی رووسی (کەی جی بی) هەوڵە تیرۆریستییەکەی پووچەڵ کردووەتەوە.

 

ئۆلیگ سیرۆمۆلۆتۆڤ هەروەها رایگەیاندووە، تۆڕێکی تیرۆریستی دەستگیر کراون، کە بە نیازبوون کردەی تیرۆریستی لە ئاهەنگەکانی رۆژی سەرکەوتن لە مۆسکۆ ئەنجام بدەن، کە یەکێک لە ئامانجەکانیان، ڤلادیمێر پوتینی سەرۆکی وڵاتەکە بووە.

 

جێگری وەزیری دەرەوەی رووسیا ئاماژەی بەوەش کردووە، کە گرووپێکی تیرۆریستی لە تورکیاوە سپۆنسەریی ئەو پیلانە تیرۆریستییەی لە دژی ڤلادیمێر پوتین و ئاهەگەکانی رۆژی سەرکەوتن، کردووە و پارەی بۆ دابین کردووە.

 

رۆژی 9ـی ئایاری هەموو ساڵێک، هاووڵاتییانی رووسیا جەژنی رۆژی سەرکەوتن لە یادی سەرکەوتن بەسەر سوپای ئەڵمانیای نازی لە 9/5/1945  پیرۆز دەکەن و سوپای ئەو وڵاتەش نمایشی سەربازی دەکات.

 

لە ئاهەنگەکانی ئەمساڵدا، نێچیرڤان بارزانی، سەرۆکی حکوومەتی هەرێمی کوردستان بە فەرمی بانگهێشت کرابوو و ئامادە بوو، کە دواتریش لەگەڵ ڤلادیمێر پوتین کۆ بووەوە.





ئەم هەواڵە 6907جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad