English | عربی | Kurdî دواهەواڵ
ڕاستەوخۆ  
 
بەرپرسانی باڵای ئێران لە برسیبوون خەڵکی ئەم وڵاتە نیگەرانن
2018-05-13 [01:41 AM]

ZNA - هەولێر


ترسی برسیبوونی زیاتری خەلكی ئێران بەرپرسانی باڵای سەربازی و سیاسی ئێرانی توشی نیگەرانی گەورە كردووە.

دوای ئەوەی ئەمریكا لە رێككەوتنی ئەتۆمی كشایەوە ئێستا سەردێری سەرجەم ھەوالە گرنگەكانی ئێران بەڵێن و ھەوڵی بەرپرسانی سیاسی و سەربازی ئەو وڵاتەیە بۆ رێگری كردن لە برسیبوونی خەڵك.

لە دانیشتنی داخراوی ئەمرۆ یەكشەممەی پەرلەمانی ئێراندا جێگری سەرۆك كۆماری ئێران بەڵێنیداوە كە ھەموو ھەوڵێك بدەن بۆ ئەوەی گوشاری ئابووری نەكەوێتە سەر ژیانی خەڵك و زیانیش بەر كاروكاسبی خەڵك نەكەوێ، بەڵێنێك كە بەپێی میدیاكانی ئێران نارەزایەتی توندی ئەندامانی پەرلەمانی لێكەوتۆتەوە و پێداگری لەوە دەكەنەوە كە گەمارۆكان ھیچ، بەرزبوونەوەی چركە بە چركەی نرخی دۆلاریش گرفتێكی جدیە كە راستەوخۆ كاریگەری لەسەر ژیانی تاكەكانی ئێران ھەیە.

لە لایەكی دیكەوە سەرەرای ناكۆكیە قوولەكانی سپای پاسداران و حكومەت، فەرماندە سەربازیەكان ھەولەكانیان چڕتر كردۆتەوە بۆ دەست بەسەرداگرتنی جومگە ئابووریەكانی ئەو ولاتە و بە وتەی خۆیان دابینكردنی ئاسایشی خۆراكی خەڵك.

فەرماندەی گشتی سوپای پاسداران عەلی جەعفەری دەڵێ لە پلانێكی تۆكمەدا سوپای پاسداران كۆمەڵێك پرۆژەی كشتوكاڵی ھەیە لە چوارچێوەی پرۆژەی دابینكردنی ئاسایشی خۆراك، بە وتەی جەعفەری لەمەولا شەڕی ئێران  شەری ئابووریە و داوای كردووە گرنگی زیاتر بە بەرھەمی ناوخۆیی بھێندرێ بۆ ئەوەی ئێران لەسەرپێ بمێنێتەوە، داوایەك كە جارێكی دیكە گەرەنتی گەرانەوە و دەست بەسەرداگرتنەوەی سوپا بەسەر ئابووری ئێراندا دەكات.

زۆربەی گوشارە نێودەوڵەتییەكان بۆ سەر سوپای پاسدارانی ئێرانە، ئێستا گەمارۆ ئابوورییەكان وایكردووە كە حكومەتی ئێران دەستەوەستان بێت، و سوپای پاسدارانیش دەیھەوێ لەو بۆشاییەدا دەست بەسەر ئابووری ئێراندا بگرێت،و ئەوەش بەگوتەی چاودێران سەرەتای گوشارێكی دیكەی نێوخۆیی و نێودەوڵەتییە بۆ سەر حكومەتی ئێران.

 

 

 





ئەم هەواڵە 2935جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad