English | عربی | Kurdî دواهەواڵ
ڕاستەوخۆ  
 
قوربانیانی کەرتی غەز روو لە زیاد بوونە
2018-05-15 [05:24 AM]

ZNA- ھەولێر


فەلەستینییەکان ئاسمانی کەرتی غەززە بە دوکەڵ دادەپۆشن و بە بەرد هێرش دەکەنە سەر هێزە ئیسرائیلییەکان.

 

رۆژی دووشەممە 14/5/2018، هەزاران گەنج بە خۆپیشاندان و سووتاندنی تایەی ئۆتۆمبێل بەرەو تەلبەندی سنووریی ئیسرائیل چوون و هەوڵی شکاندنی تەلبەندی سنوورەکەیان دا و هێزە ئیسرائیلییەکانیش بە توندی وەڵامیان دانەوە.

 

ئەو خۆپیشاندان و پشێویانەی فەلەستینییەکان هاوکات بوو لەگەڵ یادی 70 ساڵەی دامەزراندنی دەوڵەتی ئیسرائیل و گواستنەوەی باڵیۆزخانەی ئەمریکا لە تەل ئەڤیڤەوە بۆ شاری ئۆرشەلیم (قودس).

 

بەهۆی گرژییەکان و سووتاندنی ئەو هەموو تایەوە، زیاتر لە 58 فەلەستینی کوژران و زیاتر لە 2400 کەسی دیکەش بریندار بوون.

 

ئێوارەی رۆژی 6/12/2017، دۆناڵد ترەمپی سەرۆکی ئەمریکا بڕیاری گواستنەوەی باڵیۆزخانەی وڵاتەکەی لە ئیسرائیل لە تەل ئەڤیڤەوە بۆ ئۆرشەلیم دەرکرد و لە بڕیارەکەدا شاری ئۆرشەلیمی وەک پایتەختی ئیسرائیل ناساند و رۆژی دووشەممە 14/5/2018، بە ئامادەبوونی ئیڤانکا ترەمپ، کچ و راوێژکاری دۆناڵد ترەمپی سەرۆکی ئەمریکا، باڵیۆزخانەکە گوازرایەوە.

 

ئەو بڕیارەی سەرۆکی ئەمریکا بووە هۆی ناڕەزایی توندی وڵاتانی عەرەبی و رایانگەیاند، کە ئۆرشەلیم پایتەختی فەلەستینە نەک ئیسرائیل.

 

ئیسرائیل وڵاتێکی جوولەکەنشینە لە رۆژهەڵاتی ناوەڕاست. ژمارەی دانیشتووانی زیاتر لە هەشت ملیۆن کەسە. لە ساڵی 1948 دامەزراوە و بە وڵاتانی لوبنان لە باکوور، سووریا، ئوردن و ئیدارەی فەلەستین لە رۆژهەڵات و میسر لە باشوور، دەورە دراوە.

 

وڵاتانی عەرەبی پێیان وایە ئیسرائیل لەسەر خاکی فەلەستین دامەزراوە و بە یەکێک لە دوژمنە سەرەکییەکانی خۆیانی هەژمار دەکەن.





ئەم هەواڵە 3571جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad