English | عربی | Kurdî دواهەواڵ
ڕاستەوخۆ  
 
بەرپرسی سیاسەتەکانی دەرەوەی یەکێتیی ئەوروپا: رێککەوتننامەی ئەتۆمی دەپارێزین
2018-05-15 [12:45 PM]

ZNA- هەولێر


 

"فێدێریکا موگێرینی" بەرپرسی سیاسەتەکانی دەرەوەی یەکێتیی ئەوروپا دوای گفتوگۆ لەگەڵ "جەواد زەریف" وەزیری دەرەوەی ئێران جەختی کردەوه، ئەوروپا دەبێت رێککەوتننامەی ئەتۆمی بپارێزێت.

 

ئەمڕۆ موگێرینی دوای دیدارەکەی لەگەڵ وەزیری دەرەوەی ئێران روونیشی کردەوه: "پاراستنی رێککەوتننامەی ئەتۆمی ئەرکی هێزەکانی ئەوروپایه و ئێمه هەموو پێکەوه پێیوه پابەندین."

 

"مایا کوچیانچیک" گوتەبێنی خاتوو موگێرینی پێشتر گوتبووی، رێککەوتنەکە لەگەڵ ئێران کارایی هەبووه و هەوڵی پاراستنی دەدەین.

 

جەواد زەریف وەزیری دەرەوەی ئێرانیش دوای گفتوگۆ لەگەڵ موگێرینی رایگەیاند، دیدارەکه بنیادنەر و باش بوو.

 

زەریف روونیشی کردەوه، "کارەکانمان بۆ گەیشتن به دڵنیایی دەست پێکردووه و گفتوگۆکان لەسەر رێڕەوێکی دروست دەڕۆن."

 

رێککەوتننامەی ئەتۆمیی ئێران دوای زیاتر له ده ساڵ گفتوگۆ له نێوان ئێران و وڵاتانی ٥+١(ئەمەریکا، بریتانیا، فەرەنسا، رووسیا، چین و ئاڵمانیا) نزیکەی دوو ساڵ لەمەوبەر واژۆ کرا، بەڵام دوای دەست بەکار بوونی "دۆناڵد ترامپ" وەک سەرۆک کۆماری ئەمەریکا، چەندین ترامپ هەڕەشەی دەرچوون لەم رێککەوتننامەی کرد تاکو هەفتەی رابردوو بڕیارەکەی برده سەر و ئەمەریکا لەم رێککەوننامەیه کشاوه و بەمجۆره رێککەوتنەکه کەوته مەترسی.

 

دوای ئەمه ئێران رایگەیاند، ئەگەر یەکێتیی ئەوروپا بتوانن رێککەوتنەکه بپارێزن لێی دەرناچن.

 

ئەمڕۆش بۆ گفتوگۆ لەگەڵ وڵاتانی ئەورپا لەسەر ئەم پرسه، وەزیری دەرەوەی ئێران سەردانی "بروکسەل"ی کرد.

 

Euronews





ئەم هەواڵە 3961جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad