English | عربی | Kurdî دواهەواڵ
ڕاستەوخۆ  
 
ئێران : ئیسرائیل سزاێکی توند وەردەگرێت
2018-05-15 [09:24 AM]

ZNA- ھەولێر


عه‌لی ئه‌كبه‌ر ویلایه‌تی، راویژكاری عه‌لی خامنه‌یی، رێبه‌ری كۆماری ئیسلامی ئێران بۆ كاروباری نێوده‌وڵه‌تی هۆشداری دایه‌ ئیسرائیل و، له‌ئه‌گه‌ری دووباره‌ هێرشكردنه‌وه‌ سه‌ر سووریا، هه‌ره‌شه‌‌ی وڵامدانه‌وه‌یه‌كی توندتر له‌پێشووی له‌ ته‌لئه‌ڤیڤ كرد.

ویلایه‌تی له‌ لێدوانێكی رۆژنامه‌وانیدا گوتی: "هێرشی ئیسرائیل بۆ سه‌ر سووریا سنووری تاوانه‌كانی به‌زاندووه‌ و پێویسته‌ ئه‌مه‌ریكاش خۆی له‌ ناپاكی به‌دوور بگرێت، ئه‌گه‌ر هێرشه‌كان بۆ سه‌ر سووریا دووباره‌ بوونه‌وه‌، به‌ره‌ی به‌ره‌نگاری وه‌ڵامێكی توندتر له‌پێشان ده‌یانداته‌وه‌".

ویلایه‌تی ئاماژه‌ی به‌وه‌شكرد، "رووداوه‌كانی ئه‌م دوواییه‌ له‌ جۆلان ئاشكرایكرد كه‌ چه‌نده‌ سیسته‌می به‌رگری ئیسرائیلی لاوازه‌".

ویلایه‌تی جه‌ختیشی له‌سه‌ر هه‌ڵوێستی تاران له‌باره‌ رێككه‌وتنی ئه‌تۆمی كرده‌وه‌ و گوتی، كۆماری ئیسلامی دانوستانكردن له‌سه‌ر هه‌ر بڕگه‌یه‌كی ناو رێككه‌وتنه‌ ئه‌تۆمییه‌كه‌ی ره‌تده‌كاته‌وه‌، به‌تایبه‌ت پرۆگرامه‌ مووشه‌كییه‌كه‌ی، چونكه‌ وه‌ك ویلایه‌تی ئاماژه‌ی پێكرد، مووشه‌كه‌كانی ئێران گرنگترین و سه‌ره‌كیترین سیسته‌می به‌رگری وڵاته‌كه‌یانه‌ و به‌هیچ شێوه‌یه‌ك ده‌ستبه‌رداری نابن و سازشی له‌سه‌ر ناكه‌ن.





ئەم هەواڵە 3661جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad