English | عربی | Kurdî دواهەواڵ
ڕاستەوخۆ  
 
براوەی یەکەم بین یان پێنجەم !
2018-05-16 [10:30 AM]

ZNA- ھەولێر


براوەی یەكەم بین یان پێنجەم!
ئاریان فەرەج 
 قەوارە سەركەوتووەكان لەسەر ئاستی عێراق یەك بە دوای یەكدا بریتین لە (سائیرونی موقتەدا سەدر) و (فەتحی هادی عامری) و ( نەسری عەببادی) و ( دەوڵەتی قانونی مالكی) و ( پارتی دیموكراتی كوردستان). 
پارتی كە لەسەر ئاستی كوردستان براوەی یەكەم و بە جیوازییەكی زۆر لە پێش هەموانە، لەسەر ئاستی عێراقیش بە تاكی تەنیا لە پێنج براوە سەرەكییەكە بێ ئەوەی لیستەكەی ئیئتیلافی بێت و هیچ حزبێكی دیكەی لەگەڵ بێت، لە حاڵێكدا چوار براوەكەی دیكە قەوارەی ئیئتیلافین و هەر یەكەیان لە كۆكراوەی چەند حزب وهێزی سیاسی پێكهاتوون. پارتی تەنیا لەسەر ئاستی هەرێم و موسڵ بەشدار بووە و دەنگی كۆكردۆتەوە، لە حاڵێكدا چوار قەوارەكەی دیكە لە كۆی پارێزگاكانی عێراق و تەنانەت لە كوردستانیش بەربژێر و بانگەشەیان هەبووە. 
سەركەوتنی پارتی بە ئاستێك شەرەفمەندانەیە، بۆ كورد و كوردستانییان مایەی شانازی و دڵخۆشییە و بۆ ناحەزانی پارتی و كوردیش شۆك و شكست و نائومێدییەكی گەورە. بەم ئەنجامە هەموو ئەو گرەوانە دۆڕان و نابوت بوون كە لەسەر لاوازكردن و پاشەكشەپێكردنی پارتی هەڵچنرابوون. نهێنی سەركەوتنەكەش هەر ئەوەیە كە پارتی داكۆكی لە كورد و كوردستان كرد و كوردستانییانیش پاداشتی هەڵوێستە نیشتمانی و نەتەوەییەكانیان دایەوە. 
پارتی بەم پێگە بەهێزەوە، گەر لە بەغدا بە تەنیاش بێت و هێزە كوردییەكانی دیكەی نەچنە پاڵ، هەر دەتوانێ مناوەرەی سیاسی بكات و لە پێگەیەكی بەهێزەوە بۆ بەرژەوەندی كوردستان بكەوێتە دانوستان و سەپاندنی مەرج و مافەكانی كورد. بەڵام پارتی وەك سروشتی هەمیشەیی خۆی چاوی لە كۆدەنگییەكی كوردی بەهێز و هاوهەڵوێستە. پێگە و ئیعتباری بۆ كورد و كوردستان دەوێ نەك بۆ خۆی، هەر لەم پێودانگەشەوە بانگەوازی پێكهێنانی ئیئتیلافی فراكسیۆنە كوردستانییەكانی ئاڕاستەی كۆی لیستە براوەكانی كوردستان كردووە. 
پارتی دەیەوێت سەرنجی جەماوەر و كۆی حیزبەكانی كوردستان بۆ ئەو راستییە راكێشێ كە ئەگەرچی پارتی بەتەنیا براوەی پێنجەمی سەر ئاستی عێراقە، بەڵام ئەگەر هەموو فراكسیۆنە كوردستانییەكان ببنە یەك، كورد دەبێتە براوەی یەكەمی عێراق و گەورەترین هێزی نێو پەرلەمانەكەی بەغدا. ئەوكات ئەو پێگە بەهێزە بۆ قازانج و بەرژەوەندییە سیاسی و ئابورییەكانی خەڵكی كوردستان و بەهێزتربوونی قەوارەی سیاسی هەرێم و شەراكەتی راستەقینە و هاوسەنگی بەكاردێت.





ئەم هەواڵە 3844جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad