English | عربی | Kurdî دواهەواڵ
ڕاستەوخۆ  
 
سەرۆک بارزانی پێشوازی لە سەرۆکی تەیاری غەددی سووریا کرد
2018-05-16 [01:04 AM]

ZNA- ھەولێر 


ئەمڕۆ چوارشەممە ١٦ـی ٥ـی ٢٠١٨ لە سەلاحەددین سەرۆک مەسعوود بارزانی پێشوازی لە شێخ ئەحمەد ئەلجەربا سەرۆکی تەیاری غەددی سووریا کرد. 


لە دیدارەکەدا سەرۆکی تەیاری غەددی سووریا پیرۆزبایی سەرکەوتنی پارتی دیموکراتی کوردستانی لە سەرۆک بارزانی و خەڵکی کوردستان کرد لە ھەڵبژاردنەکانی ئەنجوومەنی نوێنەرانی عێراق و وێڕای ئاماژەدان بە ڕۆڵی سەرۆک بارزانی لە چارەکردنی کێشەکانی عێراق و ناوچەکە جەختیشی لەسەر پێگەی ھەرێمی کوردستان لە عێراق و ناوچەکەدا کردووە و ئەوەی ڕاگەیاند کە پەیوەندیی باشی نێوان ھەولێر و بەغدا کاریگەریی لەسەر باشتربوونی ئاساییشی ھەرێمایەتی لە ناوچەکەدا دەبێت. 


لەبەرانبەردا سەرۆک بارزانی سوپاسی سەرۆکی تەیاری غەددی سووریای کرد و ھێمای بە دەرئەنجامەکانی ھەڵبژاردنەکانی ئەنجوومەنی نوێنەرانی عێراق دا و ئەوەیشی ڕاگەیاند کە بەھۆی ھەڵبژاردنەوە بارودۆخێکی نوێ ھاتووەتە ئاراوە و لە دوای ھەڵبژاردنەکان ئەوەی کە بۆ ھەرێمی کوردستان جێگەی بایەخ و یەکلاییکەرەوەیە ھەڵوێستی لایەنە عێراقییە براوەکانە بەرانبەر ماف و داواکارییەکانی گەلی کوردستان. 


بارودۆخی سیاسیی سووریا و دوایین پێشھاتە ئەمنی و سیاسییەکانی ئەو وڵاتە تەوەرێکی تری ئەو کۆبوونەوەیە بوو.


ی.ا
 





ئەم هەواڵە 4009جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad