English | عربی | Kurdî دواهەواڵ
ڕاستەوخۆ  
 
نه‌ته‌وه‌ یه‌كگرتووه‌كان داوای هه‌ژماركردنه‌وه‌ی ده‌نگه‌كانی كه‌ركووك ده‌كات
2018-05-18 [12:10 PM]

ZNA- ھەولێر


يان كوبيش، نوێنه‌ری تایبه‌تی سكرتێری گشتی نه‌ته‌وه‌ یه‌كگرتووه‌كان بۆ عێراق، داوا له‌ كۆمیسیۆنی باڵای سه‌ربه‌خۆی هه‌ڵبژاردنه‌كان ده‌كات ده‌ست به‌ لێكۆڵینه‌وه‌ له‌ هه‌موو سكاڵاكانی تایبه‌ت به‌ پرۆسه‌ی هه‌ڵبژاردنه‌وه‌ بكات.

به‌ گوێره‌ی راگه‌یه‌ندراوی نێرده‌ی تایبه‌تی نه‌ته‌وه‌ یه‌كگرتووه‌كان له‌ عێراق، كه‌ وێنه‌یه‌كی ده‌ست كوردستان 24 كه‌وتووه‌، یان كوبیش ده‌ڵێت: "كۆمیسیۆن پێویسته‌ به‌ زوویی بكه‌وێته‌ كار بۆ لێكۆڵینه‌وه‌ی ده‌ربه‌ستانه‌ له‌ هه‌موو سكاڵایه‌كان به‌ گرتنه‌خۆی، به‌ گویره‌ی پێویست، ده‌ستكردن به‌ هه‌ژماركردنی (جوزئي) به‌ ده‌ست له‌ بنكه‌ ده‌ستنیشانكراوه‌كان به‌ تایبه‌تیش له‌ كه‌ركووك".

به‌ گوێره‌ی راگه‌یه‌ندراوه‌كه‌، دووپاتی ده‌كاته‌وه‌، پێویسته‌ بۆ پته‌وكردنی متمانه‌ به‌ پرۆسه‌كه‌ هه‌ژماركردنه‌وه‌كه‌ به‌ ئاماده‌بوونی ته‌واوی لایه‌نه‌ په‌یوه‌ندیداره‌كان و به‌شێوه‌یه‌ك روون ئه‌نجام بدرێت، بۆ ئه‌و مه‌به‌سته‌ش نه‌ته‌وه‌ یه‌كگرتووه‌كان ئاماده‌ی هه‌موو هاوكارییه‌كه‌.

یان كوبیش ده‌ڵێت: "داوا له‌ هه‌موو سیاسییه‌كانیش ده‌كه‌م بۆ پاراستنی ئاشتی و پابه‌ندبوون به‌ چاره‌سه‌ركردنی هه‌ر كێشه‌یه‌كی په‌یوه‌ست به‌ هه‌ڵبژاردنه‌وه‌ له‌ ریگه‌ی شێوازه‌ یاساییه‌ به‌ركاره‌كانه‌وه‌" بێت.

دوای راگه‌یاندنی ئه‌نجامه‌ به‌راییه‌كانی هه‌ڵبژاردنی 12ی ئایار، له‌لایه‌ن كۆمیسیۆنی باڵای سه‌ربه‌خۆی هه‌ڵبژاردنه‌كان، چه‌ند لایه‌نێكی سیاسی ناڕه‌زایی خۆیان له‌ ئه‌نجامه‌كان نیشاندا و داوای هه‌ژماركردنه‌وه‌ی ده‌نگه‌كان ده‌كه‌ن به‌ ده‌ست.





ئەم هەواڵە 4081جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad