English | عربی | Kurdî دواهەواڵ
ڕاستەوخۆ  
 
بۆنی تەرمەكان خەڵكی موسڵی هەراسان كردووە و تیمەكانیش خەریكی پاك كردنەوەن
2018-05-20 [07:09 AM]

ZNA – هەولێر


دوای ئازادكردنی شاری موسڵ لەدەست چەكدارانی داعش تاوەكو ئێستا ئەوشارە بۆنی لاشەی كوژراوەكانی لێدێت و  تیمه‌كانی به‌رگریی شارستانی پارێزگای نه‌ینه‌واش به‌رده‌وامن له‌ هه‌وڵه‌كانیان بۆ ده‌رهێنانی ته‌رمی ئەو چه‌كداره‌ كوژراوانەی داعش .

حیسام خه‌لیل به‌ڕێوه‌به‌ری به‌رگریی شارستانی پارێزگای نه‌ینه‌وا رایگه‌یاند‌: "له‌ماوه‌ی سێ رۆژی رابردوودا 650 ته‌رمی چه‌كدارانی داعش له‌ژێر داروپه‌ردووی خانوو و باڵه‌خانه‌ رووخاوه‌كانی شاری موسڵدا ده‌رهێنراوون".

خەلیل ده‌ڵێت: "له‌لایه‌ن هاووڵاتیانه‌وه‌ ئاگادارده‌كرێینه‌وه‌ كه‌ ھێشتا ته‌رمی زۆری چه‌كدارانی داعش له‌ژێر خانوو و باڵه‌خانه‌ رووخاوه‌كانی مووسڵی كۆندا ماوون و پاش ئه‌وه‌ی سه‌رۆكایه‌تی ئه‌نجوومه‌نی وه‌زیرانی عێراق فه‌رمانیانداوه‌ ده‌ربهێنرێن، ئێمه‌ش ده‌ستمان به‌كاركردن كردووه‌ تا ناوچه‌كه‌ له‌ تەر‌مه‌كان خاوێن بكه‌ینه‌وه‌ و پاش هه‌ڵگرتنه‌وه‌ی ته‌رمه‌كان راده‌ستی نووسینگه‌ی ته‌ندرووستی نه‌ینه‌وا و  پزیشكی دادیی بكه‌ینه‌وه‌".

به‌ڵام محه‌مه‌د به‌یاتی ئه‌ندامی رێكخراوی "We Care" ده‌ڵێت: "هه‌وڵه‌كانی حكومه‌تی عێراق بۆ هەڵگرتنه‌وه‌ی ته‌رمی چه‌كداره‌ كوژراوه‌كان وه‌ك پێویست نییه‌".

به‌یاتی ده‌ڵێت: "مانه‌وه‌ی ئه‌و ته‌رمانه‌ له‌ مووسڵی كۆن بووه‌ته‌ هۆی دووبارە ئاوارەبوونەوەی ئەو خێزانانەی كە هاتبوونەوە ناوچەكانیان.

شه‌ڕی ئازادكردنەوەی شاری مووسڵ له‌ 17/10/2016 ده‌ستیپێكرد و دوای نزیكه‌ی نۆ مانگ هێزه‌كانی عێراق توانییان شاره‌كه‌ له‌ ده‌ست چه‌كدارانی داعش ده‌ربهێنن.

 





ئەم هەواڵە 6082جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad