English | عربی | Kurdî دواهەواڵ
ڕاستەوخۆ  
 
علی ئەکبەر سالحی : دەست بە پیتاندنی پرۆگرامە ئەتۆمیەکان دەکەینەوە
2018-05-20 [08:16 AM]

ZNA- ھەولێر




سەرۆكی ڕێكخراوی وزەی ئەتۆمی ئێران رایگەیاند، لە ئەگەری پابەندنەبوونی وڵاتان بە بەرێككەوتنی ئەتۆمی لەگەڵ وڵاتەكەی ئەوا دەتوانن لەسەدا 20ی پیتاندن دەستپێبكەنەوە.

عەلی ئەكبەر ساڵحی، سەرۆكی ڕێكخراوی وزەی ئەتۆمی دوای كۆبوونەوەی لەگەڵ میگوێل ئاریاس كانێت، بەرپرسی كۆمسیۆنی ئەوروپا بۆ وزە و كەش رایگەیاند، "ئەگەر لایەنەكان پابەندنەبن بە بەڵێنەكانی خۆیانەوە، ئێمەش پابەند نابین بە بەڵێنەكانی خۆمان".

ئاماژەی بەوەشكرد، "سیاسەتی ئێمە ئەوەیە كە لە دۆخی ئێستا چاوەڕوان بین و تاوەكو چەند هەفتەیەك دۆخەكە لێكبدەینەوەو هەموو ئەگەرەكان كراوەیە".

عەلی ئەكبەر ساڵحی جەختی لەوەكردەوە، لە ئەگەری پابەندنەبوونی لایەنەكان بە بەڵێنەكانیان، دەتوانن لەسەدا 20ی پیتاندنی ئۆرانیۆم دەستپێبكەنەوە.

18ی ئەم مانگە، دۆناڵد ترەمپ، سەرۆكی ویلایەتە یەكگرتووەكانی ئەمەریكا بڕیاریدا وڵاتەكەی لە رێككەوتنی ئەتۆمی ئێران بكشێتەوە.

لە چوارچێوەی رێككەوتنی ئەتۆمی ساڵی 2015 لەگەڵ ئێراندا، ئێران ڕازی بووە بەسنورداركردنی پڕۆگرامییە ئەتۆمیەكەی لە بەرامبەر هەڵگرتنی سزا ئابووریەكانی ڕۆژئاوا لەسەر ئەو ووڵاتە. ساڵی 2016 سزا ئابووریەكان لەسەر ئێران هەڵگیران.





ئەم هەواڵە 3742جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad