English | عربی | Kurdî دواهەواڵ
ڕاستەوخۆ  
 
‌چەند نهێنیەكی پزیشكی نوێ لەسەر میوەی مانگۆ
2018-05-20 [10:47 AM]

هەولێر _ ZNA



كۆمەڵێك لەزانایان و شارەزایانی بواری خۆراك ئەوەیان ئاشكرا كردوە كە میوەكانی وەك ( ئەنەناس و مانگۆ ) زۆر بەسوودن بۆ دابەزاندنی كێش و چەند نهێنی و سودێكی پزیشكی نوێیان لەسەر میوەی مانگۆ ئاشكرا كردوە .


پزیشكەكان دەڵێن میوەی مانگۆ لە توانایدا هەیە چارەسەری كێشەی قەڵەوی بكات  چونكە لەتوانایدا هەیە گەشەی بەكتریا سوودبەخشەكانی ناو گەدە خێرا  بكات كە ڕێگری دەكەن لە زیادبوونی كێش  و لەهەمان كاتدا چارەسەری شەكرەی جۆری دووەمیشی تیادایە .


زاناكان لە زانكۆی ویلایەتی ئۆكلاهوما ئەم توێژینەوەیەیان لەسەر 60 مشكی تاقیگە ئەنجامدا و بۆچەند بەشێك  دابەشیان كردن و جۆرێكی تایبەت لەخۆراكیان پێدرا بۆ ماوەی 12 هەفتە .

ژەمە خۆراكی بەشێك لەومشكانە بڕی %10 ی ئەو كالۆریەی تیادابوو كە لەناو چەوریدا هەیە  لە هەمان كاتدا ژەمە خۆراكی بەشێكی دیكە لە مشكەكان ئەو خۆراكەی پێیاندرا  %60 ئەو كالۆریەی تیادا بوو كە لە چەوریدا هەیە و بەشی سێهەمی مشكەكان لەو ماوەیەدا ئەو خۆراكەنەیان پێدرا كە %10 ی ئەو گەرمۆكانەی تیادا بوو كە لەناو مانگۆدا هەیە .


دوای ئەو ماوەیەی مشكەكان ئەم خۆراكانەیان پێدرا زاناكان گەیشتنە ئەو بڕوایەی ئەو مشكانەی ئەو خۆراكانەیان پێدرا كە %10ی گەرمۆكەی مانگۆ بوو ئەوە كەمترین ڕێژە لە بەكتریای سوودبەخشی ناو گەدەیان لەناو چوو بوو .

پرۆفیسۆر ( ئەدرالین لۆكاس ) كە یەكێكە لەو كەسانەی لەم توێژینەوەیەدا بەشداری كردوە دەڵێت " مانگۆ یەكێكە لەسەرچاوە باشەكانی ڕبیشاڵ بۆ جەستەی مرۆڤ و تایبەتمەندی ئەوەی تیادایە كە دژی قەڵەویە و سوودی بۆ ئەو كەسانە زۆرە كە نەخۆشی شەكرەی جۆری دووەمیان هەیە " 

 چەندین توێژینەوەی دیكە لەسەر ئەم میوەیە كراوە و تیایدا ئەوە ئاشكرا كراوە میوەی مانگۆ بەهۆی بوونی ڕێژەیەكی زۆر لە ڕبشاڵ تیایدا یارمەتی ئاسانكردنی هەرسی گەدە دەدات ، و زیاتر لە 20 جۆری جیاواز لە ڤیتامینی تیادایە ئەمە جگە لە چەندین جۆری كانزا و پێكهاتەی دژە ئۆكسێنەر كە بۆ جەستە پێویستە 





ئەم هەواڵە 8971جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad