English | عربی | Kurdî دواهەواڵ
ڕاستەوخۆ  
 
ئەسوشییتد پرێس: موقتەدا سەدر پەیوەندیی ژێر بە ژێری لەگەل ئەمریکا ھەیە
2018-05-21 [07:45 AM]

ZNA- ھەولێر


به‌گوێره‌ی راپۆرتێكی ئاژانسی ئه‌سوشییتد پرێس كه‌ رۆژی یه‌كشه‌ممه‌ بڵاوكراوه‌ته‌وه‌، پیته‌ر فیڤه‌ر كه‌ له‌ داڕشتنی سیاسه‌تی ئیداره‌ی سه‌رۆكی پێشووتری ئه‌مریكا به‌رامبه‌ر عێراق له‌ ساڵانی 2005 تا 2007 هاوكاریكردووه‌ ده‌ڵێت: "له‌ ساڵی 2007 وه‌ واشنتن په‌یوه‌ندی نھێنی له‌گه‌ڵ موقته‌دا سه‌در رێبه‌ری ره‌وتی سه‌در هه‌یه‌".

ئه‌سوشییتد پرێس له‌ زاری فیڤه‌ره‌وه‌ ده‌ڵێت: "ئه‌مریكا له‌ مێژه‌ ده‌زانێت سه‌در خاوه‌ن بنكه‌یه‌كی سیاسی شه‌رعییه‌‌، جا یان ده‌بێته‌ باشترین یان خراپترینیان".

هه‌روه‌ها گوتوویه‌تی: "ئه‌گه‌ر سه‌در بۆیه‌كه‌ی سه‌ر رووخساری بگۆڕێت پێده‌چێت ئایینده‌ی سیاسی هه‌بێت، چونكه‌ ویلایه‌ته‌ یه‌كگرتووه‌كانی ئه‌مریكا له‌ ساڵی 2007 وه‌ تا ئێستا له‌ پشتی په‌رده‌وه‌ په‌یوه‌ندییه‌كانی له‌گه‌ڵ سه‌در به‌رده‌وامه‌".

له‌ هه‌مان چوارچێوه‌یه‌دا ئاژانسه‌كه‌ له‌ زاری سه‌ڵاح عوبه‌یدی گوته‌بێژی ره‌وتی سه‌در ده‌ڵێت: "حه‌یده‌ر عه‌بادی سه‌رۆكوه‌زیرانی عێراق له‌ ماوه‌ی 4 ساڵی رابردوودا په‌یوه‌ندیی سه‌ربازی و دیپلۆماسی له‌گه‌ڵ واشنتن درووست كردووه و ئێمه‌ش له‌و رووه‌وه‌ هیچ كێشه‌یه‌كمان نییه‌‌".

له‌ ماوه‌ی چه‌ند رۆژی رابردوودا و پاش سه‌ركه‌وتنی هاوپه‌یمانێتی سائیروون چه‌ندین تۆمه‌ت له‌لایه‌ن رۆژئاوا و سیاسییه‌كان و میدیاكانه‌وه‌ ئاراسته‌ی سه‌در كراوه‌ و به‌گوێره‌ی هه‌ندێك راپۆرتی رۆژنامه‌وانی زۆر قورسه‌ بزانرێت كه‌سایه‌تی موقته‌دا سه‌در چۆنه‌ و ناتوانرێت پێشبینی بكرێت.

له‌ هه‌ڵبژاردنی رۆژی 12/5/2018 هاوپه‌یمانی سائیروون كه‌ له‌لایه‌ن موقته‌دا سه‌در، رێبه‌ری ره‌وتی سه‌در پاڵپشتیی ده‌كرێت به‌ 54 كورسی پله‌ی یه‌كه‌می به‌ده‌ستهێنا و پێشبینی ده‌كرێت چه‌ند لایه‌نێكی دیكه‌ش به‌ هاوپه‌یمانێتییه‌كه‌یه‌وه‌ په‌یوه‌ست ببن.





ئەم هەواڵە 5713جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad