English | عربی | Kurdî دواهەواڵ
ڕاستەوخۆ  
 
بەڕێوەبەری شارۆچكەی گوڵاڵە دەستبەسەر کرا
2018-05-22 [10:32 AM]

ZNA- ھەولێر



بە فەرمانی فەرماندەی ئۆپەراسیۆنی دیالە، بەڕێوەبەری شارۆچكەی گوڵاڵە بەتۆمەتی رووخاندنی گەڕەكی كرووییەكانی گوڵاڵە کە عەرەبی سوننەن دەستبەسەر کرا.

عەبدولرەحمان یەعقووب، كوڕی بەڕێوەبەری شارۆچكەی گوڵاڵە رایگەیاند "كرووییەكانی گوڵاڵە بەتۆمەتی رووخاندنی دەیان ماڵیان سكاڵایان لەسەر باوکم تۆماركردووە، بەڵام هەموو ئاگادارین كە ئەو خانووانە لەكاتی شەڕدا رووخان و هیچ پەیوەندییان بە بەڕێوەبەری شارۆچكەی گوڵاڵەوە نییە".

یەعقووب یوسف لە ساڵی 2015ـەوە بەڕێوەبەری شارۆچكەی گوڵاڵەیە. عەبدولرەحمانی کوڕی هەروەها دەڵێ "ئەمڕۆ داواكاری گشتیی دیالە دەوامی نەكردووە، بڕیارە سبەی كارەكەی یەكلاببێتەوە و باوکم ئازادبكرێت، چونكە ئەو بەپێی خۆی چووەتە دیالە، كەسێكیش لەخۆی دڵنیانەبێیت، ناڕواتە بەردەم دادگا".

هەر لەمبارەیەوە كەریم عەلی، جێگری پارێزگاری دیالە رایگەیاند "ئێمە هەوڵێكی یاسایی دەدەین بۆ ئازادكرنی بەڕێوەبەری شارۆچكەی گوڵاڵە، چونكە ئاگادارین لە شەڕدا دەست لەهیچ ناپارێزرێت، بەڕێوەبەری ناحیەش كاری نایاسایی نەكردووە، چونكە بەهۆی تۆپبارانەوە خانووی كرووییەكان لەناوچوون، بەهۆی ئەوەی داعش بۆ ماوەی شەش مانگ شەڕی پێشمەرگەی كرد لەو جێگایە و بەردەوام تۆپباران دەكران".





ئەم هەواڵە 4777جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad