English | عربی | Kurdî دواهەواڵ
ڕاستەوخۆ  
 
فازڵ میرانی :  ھیواداربووین بەیەکگرتووی ھەموومان وەک کورد بھاتباین بۆ بەغدا 
2018-05-22 [11:52 AM]

ZNA- ھەولێر 



پاش نیوەڕۆی ئەمڕۆ سێشەممە شاندی پارتی دیموکراتی کوردستان بەسەرۆکایەتی فازل میرانی سکرتێری مەکتەبی سیاسی پارتی کەسەرۆکایەتی شاندەکەی دەکرد گەیشتە شاری بەغدا ،  شاندەکە لەکاتەکانی داھاتوو لەگەل لایەنە دیارەکانی شیعە و سوننە و وەسەرکردەکانی عێراقی کۆبوونەوە ئەنجام دەدەن.
 
لەگەڵ گەیشتنیان بۆ شاری بەغدا فازل میرانی سکرتێری مەکتەبی سیاسی پارتی دیموکراتی کوردستان  رایگەیاند :  ھاتووین بۆ بەغدا بەشاندێکمان بۆ کۆبوونەوە لەگەل لایەنە عێراقیەکان لەشیعە و سوننەو لایەنەکانی دیکە ، کۆبوونەوە لەگەل سەرکردەکانی عێراقی لەگەل بەڕێزان حەیدەر عەبادی ، نوجەیفی ، موقتەدا سەدر ،  عەمار حەکیم ، وەلەگەل تەواوی لایەنەکان  ئەنجام دەدەین ، نەک بەتەنھا ئەو لایەنەی کەکورسی زۆری بەدەست ھێناوە ، بەڵکو لەگەل ئەو لایەنانەش کۆبوونەوە ئەنجام دەدەین کەڕێژەی کورسیان کەممە . 

فازل میرانی ڕاشیگەیاند : ھاتووین بۆ بەغدا بۆ بەرژەوەندیەکانی میللەتەکەمان  ، کورد و عەرەب ھاوبەشە لەبەڕێوەبردنی عێراق ، تەعلیقمان لێدەدەن ھەندێ لایەن دوێنێ ریفراندۆمیان کرد و ئەمڕۆ گەڕانەوە بەغدا ، ئێمە پێمان عەیب نیە لەئەنجامدانی ریفراندۆم بەشانازییەوە کردمان 
فازل میرانی ڕاشیگەیاند : قۆناغی خەبات بەجیاواز تێپەڕ دەبێ ھاتووین بۆ چەسپاندنی مافەکانمان ، بۆ چارەسەری کێشەکان کەماون تا ئێستا لەنێوان بەغدا و ھەولێر چارەسەر نەکراون ، بۆیە لێرەوە  دەمانەوێت ڕێک کەوین لەگەل عێراق بۆ ئەوەی مافەکانمان بچەسپێنین ، کێشەکان چارەسەر بکەین ،  وەکورد نەتەوەی دووەمە  لەسەریانە مافەکانمان بەڕەوا ببینن و پێمانی بدەن . 
فازل میرانی ڕاشیگەیاند ھیواداربووین بەیەکگرتووی ھەموومان وەک کورد بھاتباین بۆ بەغدا ، دەخوازم ڕۆژێک بێت بەیەکگرتووی بێینەوە بەغدا تا بتوانین باشتر چارەسەری کێشەکانمان لەگەل بەغدا بکەین ، وەئەو لایەنەی دەیەوێت بەتەنیا حەرزی خۆی بکات ئەوە بۆخۆی باش نابێت و قازانج ناکات 
لەبارەی پۆستەکانی ھەر سێ سەرۆکایەتیەکەی عێراق ،  میرانی ڕایگەیاند   کەھاتووین بۆ بەغدا لەسەر دانانەوەی ھەر سێ سەرۆکایەتیەکەی عێراق ڕێک کەوین ، لەسەر بنەمای ڕێکەوتن بێت ، دەبێت ھەموومان ڕێکەوین لەسەر سەرۆک وەزیران ، لەسەر سەرۆک کۆمار وە سەرۆک پەرلەمان بۆیە دەبێت لەسەر بنەمای تەوافوق بێت  کەعێراق لەسەر ئەم بنەمایە دانراوەتەوە  
لەکۆتادا فازل میرانی رایگەیاند : دەخوازین ئەوانەی لەپۆستەکاندا دەبن لەکابینەی نوێی حکومەتی عێراق کەسانی باش و پاک بن ، وەڕابردوویەکی خاوێنیان ھەبێت و بێ کێشە بن

سەرچاوە| ماڵپەری کوردستان تی ڤی 
 





ئەم هەواڵە 5971جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad