English | عربی | Kurdî دواهەواڵ
ڕاستەوخۆ  
 
ترەمپ ئاماژەیەكی بە دواخستنی دیدارەكەی كیم جۆنگ دا
2018-05-22 [11:52 AM]

ZNA- ھەولێر



ئەمڕۆ سێشەممە دۆناڵد ترەمپ سەرۆكی ئەمریكا بەشێوەیەكی ناراستەوخۆ ئاماژەی بە دواخستنی دیدارە چاوەڕوانكراوەكەی لەگەڵ کیم جۆنگ ئون سەرۆكی كۆریای باكوور دا.


پێشتر بڕیار بوو دیداری لوتكەی ئەمریكی و كۆریای باكوور لە ١٢ی حوزەیراندا لە وڵاتی سەنگاپور ئەنجام بدرێت.


ترەمپ بەر لە کۆبوونەوەی لەگەڵ مون جای ئین سەرۆکی کۆریای باشوور لە کۆشکی سپی وەڵامی پرسیاری رۆژنامەنووسانی دایەوە و سەبارەت بە کۆبوونەوە چاوەڕوانكراوەكەی لەگەڵ سەرۆکی کۆریای باکوور رایگەیاند ئامادەکارییەکان درێژەیان هەیە.


سەرۆکی ئەمریکا خۆی لە بابەتی ئەنجامدانی کۆبوونەوەکە دزیەوە و گوتی "دەبینین کە چی روودەدات، ئەگەر دیدارەكە روونەدات، رەنگە دواتر رووبدات. چەندین رێکەوتنم ئەنجام داوە و لە رێکەوتنەکاندا کەس نازانێت چی روودەدات، رەنگە ١٢ی حوزەیران گونجاو نەبێت".


ترەمپ سەبارەت بە كاتی ئەنجامدانی کۆبوونەوەکە گوتی "لە نزیکترین کاتدا روونکردنەوە لەسەر كاتی کۆبوونەوەکە دەدەین، ئێستە نامەوێت بچمە ناو وردەکارییەوە".


ترەمپ جەختی کردەوە لەوەی کە لە ئەگەری ئەنجامدانی رێککەوتندا، سەرۆکی کۆریای باکوور زۆر خۆشحاڵ دەبێت.


هەفتەی رابردوو ترەمپ سەبارەت بە بابەتەکە گوتبووی "تاوەکو ئێستە هیچ شتێکی نەرێنیمان نەدیتوە و نەبیستوە، هەروەها هیچ زانیارییەکیش بەئێمە نەدراوە، چی روودەدات دواتر دەیبینین".





ئەم هەواڵە 3601جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad