English | عربی | Kurdî دواهەواڵ
ڕاستەوخۆ  
 
نووسەر و لێكۆڵەری كورد محمەد ساڵح ئیبراهیمی كۆچی دوایی كرد
2018-05-26 [09:36 AM]

ZNA- هه‌ولێر


نووسەر و لێكۆڵەری ناسراوی کورد، د. محەمەد ساڵح ئیبراھیمی ناسراو بە (شەپۆل) لە تەمەنی 85 ساڵیدا لە یەكێك لە نەخۆشخانەكانی تاران-ی پایتەختی ئێران بەھۆی جەڵتەی مێشك  كۆچی دوایی كرد.

محەمەد ساڵح ئیبراھیمی لە 24/6/1933 لە شاری مھاباد لە رۆژھەڵاتی كوردستان لە دایكبووە و خوێندنی سەرەتایشی ھەرلەوێ تەواوكردووە، ساڵی 1962 لە زانكۆی تاران وەرگیراوە و لە ساڵی 1970 ماجستێری وەرگرتووە، لە  ساڵی 1995 دكتۆرای لە بەشی زمان و ئەدەبیاتی (فارسی- عەرەبی) لە ھەمان زانكۆ وەرگرتووە.

مامۆستا شەپۆل، لە پاڵ نووسین و لێكۆڵینەوە، لە بواری رۆژنامەوانی و زمانی كوردی رۆڵی بەرچاوی ھەبووە، لە ساڵی 1979 مۆڵەتی بڵاوكردنەوەی گۆڤارێكی مانگانەی بەناوی (گرشەی كوردستان) وەرگرتووە و 9 ژمارەی لێ بڵاوكردووە، ھەروەھا یەكێك بووە لە دامەزرێنەرانی كۆمەڵەی كوردانی دانیشتووی تاران، بۆ ماوەیەكیش سەرۆكی كۆمەڵەكە بووە.

 محەمەد ساڵح ئیبراھیمی، قورئانی وەرگێڕاوەتە سەر زمانی كوردی و 30 كتێبیشی بەچاپ گەیاندوون و چەند كتێبێكیشی وەرگێڕاوەتە سەر زمانی كوردی، ھەروەھا چەندین وتاری لە رۆژنامە و گۆڤارەكانی رۆژھەڵات و باشووری كوردستان بڵاوكردووەتەوە.

  بڕیارە لە گۆڕستانی شاعیران لە مھاباد لە تەنیشت شاعیرانی کورد ھێمن و ھەژار و پێشەوا قازی محەمەد بە خاك بستپێردرێت.





ئەم هەواڵە 3727جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad