English | عربی | Kurdî دواهەواڵ
ڕاستەوخۆ  
 
ریفراندۆمچیێن شۆره‌شا گوڵانێ
2018-05-26 [09:36 AM]

نڤیسینا : غیاس خالد زێبارى


هه‌رچه‌نده‌ گوڵان ناڤێ مه‌هه‌كا سالێ یه‌ ، لێ ئه‌و شۆره‌شا كوردستانیا بسه‌رپه‌رشتا پارتى دیموكراتى كوردستان ل ڤێ هه‌یڤێ به‌رپا بووى ناڤێ ڤێ هه‌یڤێ بوویه‌ ناسناڤێ ڤێ شۆره‌شێ . 

بریاردان لسه‌ر به‌رپاكرنا شۆره‌شا گولانێ ل وان كاودانا و ب وان شیانێن مرۆڤى و ماددى بریاره‌كا هه‌ره‌ گرنگ و چاره‌نڤیس ساز بوو ، چونكى كاودانێن وى سه‌رده‌مى یێن پشتى رێكه‌فتنا خیانه‌تكاریا نیڤ ده‌وله‌تیا ئه‌لجه‌زائیر ل سالا 1975 ، كاودانێن هه‌ره‌ تایبه‌ت بوون ژلایێ سیاسى و له‌شكرى و جڤاكى و ئابوورى ، ژلایێ ساسى سه‌ركردایه‌تیا شۆره‌شا مه‌زنا ئیلۆنێ ب رێبه‌ریا بارزانى نه‌مر و پارتى دیموكراتى كوردستان ، تووشى پیلانه‌كا نیڤ ده‌وله‌تى بوو و حكومه‌تا عێراقێ ئه‌وا ب نه‌چارى رێكه‌فتنا یازدێ ئادارا سالا 1970ێ دگه‌ل بارزانى و سه‌ركردایه‌تیا شۆره‌شێ مۆركرى ، شیا ژ پێخه‌مه‌ت لاوازكرنا بزاڤا رزگاریخوازیا كوردستانێ به‌رژه‌وه‌ندێن وه‌لاتێن ئیرانێ و ئه‌مریكا ب پارێزیت  و ده‌ستا ل ئاخا عیراقێ به‌رده‌ت بۆ ئیرانێ ، ژلایێ له‌شكرى ژى شیانێن ماددى و چه‌كدارى یێن پێشمه‌رگه‌هێن كوردستانێ به‌رامبه‌ر له‌شكرێ رژێما عیراقێ نه‌دهاتنه‌ به‌راووردكرن ، ژلایێ جڤاكى ، هه‌رچه‌نده‌ شۆره‌شا مه‌زنا ئیلوونێ هه‌تا رادده‌یه‌كێ باش هه‌ستا نه‌ته‌وى و نشتیمانى و شۆره‌شگێرى تا رادده‌یه‌كێ باش ل كوردستانێ به‌ڵاڤكر بوو، لێ ژلایێ ره‌وشه‌نبیرى و خێله‌كێ د ئاستێ پێتڤى دا نه‌بوو .

به‌رپابوونا شۆره‌شا گۆلانا پێشكه‌فتنخواز دوان كاودانان دا ب ره‌نگ و پرۆژه‌ و به‌رنامه‌كێ سه‌رده‌ما پشتى هه‌لسه‌نگاندنه‌كا هه‌مه‌لایه‌نا یا شۆره‌شا ئیلونێ و ده‌ست نیشانكرنا خالێن ئه‌رێنى و نه‌رێنى ل كونفرانسێ به‌رلین و پێكئینا سه‌ركردایه‌تیه‌كا كاتى ، شۆره‌شه‌ك بوو دناڤ شۆره‌شێ دا ، بۆ وى ده‌مى به‌رامبه‌ر راپرسیا سه‌رخۆبوونا كوردستانێ بوو ، به‌لێ دوان كاودانان دا پارتى دیموكراتى كوردستان كۆ لسه‌ر رێبازا پیرۆزا بارزانى نه‌مر ، سه‌ركێشیا بزاڤا رزگاریخوازیا كوردستانێ دكر ، خودان ئه‌ڤ ئیرادا خورتا نه‌ته‌وى و نشتیمانى و به‌رخودانێ بوو ، خودان ئه‌ڤ بریارا وێره‌كى بوو كۆ د به‌رته‌نگترین ره‌وشدا خۆ بۆ دووژمنا نه‌چه‌ماندى یه‌ و ب مه‌ردانه‌ به‌رسڤا پیلان و هێرشێن وان یێن له‌شكرى و سیاسى دایه‌ڤه‌ ، پارتى دیموكراتى كوردستان به‌رى چل و دووسالا ریفراندوومچا گۆلانێ بوویه‌ بۆ سه‌رخۆبوونا كوردستانێ ، نه‌ك ریفراندۆمچیا (25) ێ ئیلۆنا سالا ( 2017 ) هه‌ر وه‌كى هنده‌ك ئالى و كه‌سایه‌تیێن سیاسى یێن كوردستانێ ، دڤێ پێشكه‌فتنا ته‌كنه‌لۆژى و زانستى و ره‌وشه‌نبیرى و جڤاكى پارتى ب ریفراندۆمچى یێت ڤى سه‌رده‌مى تاوانبار دكه‌ن و هێشتا ئاستێ وان یێ هشیاری و ره‌وشه‌نبیریا نه‌ته‌وى و نشتیمانى نه‌گه‌هشتیه‌ ئاستێ پێشمه‌رگه‌هێن پارتى دیموكراتى كوردستان یێن شۆره‌شا گۆرلانێ . 

چه‌وا راپرسیا سه‌رخۆبوونا كوردستانێ یا بیست و پێنجێ ئیلۆنا سالا 2017 ده‌نگێ خه‌لكێ كوردستانێ بوو ، بۆ جیهانێ به‌رامبه‌ر پێشێلكرنا مافێن نه‌ته‌وى و نشتیمانى و یاسایى و ده‌ستووریێن خه‌لكێ هه‌رێما كوردستانێ ژلایێ حكومه‌تا عیراقا بناڤ فیدرال ، وه‌سا خه‌لكێ كوردستانێ ب شۆره‌شا گۆلانێ به‌رسڤا پیلانا خیانه‌تكاریا نیڤ ده‌وله‌تیا ئه‌لجه‌زائیر و گاڤێن دۆژمنكارانه‌یێن رژێما وى سه‌رده‌میا عیراقێ راپرسیه‌ك بوو و گۆته‌ عیراقێ و جیهانێ ئیرادا خه‌لكێ كوردستانێ ب رێبه‌ریا پارتى بۆ سه‌رخۆبوونا ب پلانێن وه‌ نه‌ لاواز دبیت و نه‌ دمریت . 

ئه‌ڤه‌یه‌ جوداهیا كار و به‌رنامه‌ و پلانێن پارتى دگه‌ل لایه‌نێن دیتر ، پارتى شانازیێ ب ریفراندۆمێ و ریفراندۆمچێ دكه‌ت ژ پێخه‌مه‌ت سه‌رخۆبوونا و رزگاریێ ، ئه‌و ڤێ گاڤا پیرۆز ب خیانه‌ت دزانن و داخازا دادگه‌هكرنا ریفراندۆمچیا دكه‌ن ..! 
پارتى و خه‌لكێ كوردستانێ نه‌ تنێ ریفراندۆمچیێن سالا ( 2017 ) ێ به‌لكى ریفراندۆمچیێن شۆره‌شێن بارزان و مه‌هابات و ئیلۆنێ و گۆلانێ و سه‌رهه‌لدانێ و دووهزار و هه‌ڤدێنه‌ و شانازیێ پێ دبه‌ن .
خه‌لكێ كوردستانێ ژى ڤێ راستیێ دزانیت ، له‌وما ل دووماهى هه‌لبژارتن ریفراندۆمچی جاره‌كادى كرنه‌ڤ ئێكه‌مێن بێ ركابه‌ر  .





ئەم هەواڵە 904جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad