English | عربی | Kurdî دواهەواڵ
ڕاستەوخۆ  
 
پشتیوان سادق:کەس ناتوانێت وەڵامی پرسیارەکانی پێشوەختە دەستکەوێت
2018-05-27 [08:35 AM]

ZNA-هەولێر


وەزیری پەروەردەی ھەرێمی کوردستان رایگەیاند، مووچەی مامۆستایان لەکاتی خۆیدا دابەشدەکرێت و دوا ناکەوێت. گوتیشی، پارەی ھاندانی مامۆستایان بۆ ئەو کاتە بوو کە دۆخی مووچە خراپ بوو و ئێستا مووچە باش بووە.

پشتیوان سادق ، وەزیری پەروەردەی ھەرێمی کوردستان لە کۆنفرانسێکی رۆژنامەڤانیدا لەبارەی تاقیکردنەوەکان سەبارەت بە مووچەی مامۆستایان رایگەیاند: "پارەی ھاندانی مامۆستایان بۆ ئەو کاتە بوو کە دۆخی مووچە خراپ بوو بەڵام ئێستا خۆشبەختانە مووچە باش بووە و ئومێدەوارین ئەو پاشەکەوتە کەمەش کە ماوە ئەوەش نەمێنێت ، لەسەرەتای مانگی شەش مووچەی مامۆستایان دووبارە دابەشدەکرێتەوە".

تاقیکردنەوەکانی پۆلی ٩-ی بنەڕەتی و ١٢-ی ئامادەیی

پشتیوان سادق ، وەزیری پەروەردەی ھەرێمی کوردستان لە کۆنفرانسە رۆژنامەڤانییەکەدا لەبارەی تاقیکردنەوەکانی پۆلی ٩-ی بنەڕەتی و ١٢-ی ئامادەیی گوتی: "بە گشتی لە ھەردوو پۆلەکەدا ئەو قوتابی و خوێندکارانەی تاقیکردنەوە ئەنجام دەدەن ٢٣٤ ھەزار و ٨٤ کەسن ، دوو ھەزار و ١٠٢ ھۆڵ بۆ تاقیکردنەوەی ١٢-ی ئامادەیی تەرخانکراون و نزیکەی چوار ھەزار و ١٠٠ ھۆڵ بۆ قوتابیانی ٩-ی بنەڕەتی تەرخانکراوە".

بەگوتەی پشتیوان سادق زیاتر لە ٢٥ ھەزار مامۆستا پرۆسەی سەرپەرشتیکردن و بەڕێوەبەریی ھۆڵەکان و چاودێریی تاقیکردنەوەکان ئەنجام دەدەن.

بڕینی ھێڵەکانی ئینتەرنێت لەکاتی تاقیکردنەوەکان

لەبارەی بڕینی ھێڵی ئینتەرنێت لە ھەرێمی کوردستان و لەکاتی تاقیکردنەوەکان ، وەزیری پەروەردەی ھەرێمی کوردستان گوتی: "بە نیسبەت پۆلی ١٢-ی ئامادەیی تەنیا ٢١ کاژێر ھێڵی ئینتەرنێت دەبڕدرێت لەکاژێر ٧:٠٠-ی بەیانی تاوەکو ١٠:٠٠. لەوانەیە ھەندێ کەس رەخنە لەو بڕیارە بگرن بەڵام ئەوە لە زۆربەی وڵاتانی جیھان پەیڕەو دەکرێت بۆ سەلامەتی تاقیکردنەوەکان بۆ نموونە لە عێراق و ژاپۆن و چین".

پشتیوان سادق گوتی: "بە بڕینی ٢١ کاژێر ئینتەرنێت دنیا ناڕووخێت ، بەپێچەوانەوە من پێموایە لەڕووی دەروونییەوە خەڵک تۆزێک پشوو دەدات لە فەیسبووک و قسە و قسەڵۆک و جنێودان ، با ئەو ٢١ کاژێرە ئارامییەکی دەروونی بێت بۆ ھەموو لایەک ، لە ھەموو جیھانیش ئەو رێکارانە دەگیرێنەبەر بۆ نموونە ساڵی رابردوو لە ژاپۆن و چین بە فڕۆکەی بێفڕۆکەوان چاودێریی ژووری تاقیکردنەوەکان دەکرا".

تاقیکردنەوە لە ناوچە کوردستانییەکانی دەرەوەی ئیدارەی ھەرێمی کوردستان

لەبارەی ئەنجامدانی تاقیکردنەوە لە ناوچە کوردستانییەکانی دەرەوەی ئیدارەی ھەرێمی کوردستان، پشتیوان سادق گوتی: "ئەو شوێنانەی لەدەرەوەی ئیدارەی ھەرێمی کوردستانن وەک خانەقین ، زوممار ، شنگال ، مەخموور و شوێنەکانی دیکە پرسیارەکانیان بۆ نێردراوە و ئەمنیەتیان لەڕووی ئیدارییەوە پارێزراوە. سوپاسی تایبەتی بەڕێز نێچیرڤان بارزانی ، سەرۆکوەزیرانی ھەرێمی کوردستان دەکەم کە ھەموو پێداویستییەکانی تاقیکردنەوەکانی بۆ ئێمە دابینکردووە.

"کەس ناتوانێت وەڵامی پرسیارەکانی پێشوەختە دەستکەوێت"

پشتیوان سادق، وەزیری پەروەردەی ھەرێمی کوردستان گوتی: "لەو کاتەیش کە خۆمان پۆلی ١٢ بووین ئەو قسە و قسەڵۆکانە ھەر ھەبووە ، قوتابیان دڵنیا بن لەوەی کە ئەو قسانە ھیچ ئەساێکی نییە و دوورن لە راستییەوە پرسیارەکان زۆر زۆر ئەمینە ، ھیچ پرسیارێک بەھێچ شێوەیەک ناچێتە دەرەوە و کەس با گوێ نەداتە ئەو دەنگۆیانە ، ئەوانەی یەکەم و دووەم و سێیەم دەبن و دەرەجەی ٩٠ تاوەکو ١٠٠ دەھێنن ھەموویان منداڵی ھەژارن بەڵام زۆر دەخوێین و متمانەیان بەخۆیانە ، ئەوانە تەنیا پڕوپاگەندەن و تەحەدا دەکەین یەک حاڵەتی نەرێنی لەو بابەتانەدا روویدابێت بە بەڵگەوە بۆمانی بنێرن ئێمەش ئامادەین بەرپرسیارییەتییەکەی لە ئەستۆ بگرین".





ئەم هەواڵە 3328جار خوێندراوەتەوە
 
 
ڤیدیۆ گەلەری
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad