English | عربی | Kurdî دواهەواڵ
ڕاستەوخۆ  
 
ئەو چەکانەی بەغدا نەیهێشت بگه‌نه‌ دەستی پێشمەرگە دەدرێنە ئۆکرانیا
سەرۆک وەزیرانی پێشووی کەنەدا، ستێفان هارپەر، لە میحوەری خازر
2018-05-28 [12:29 PM]

ZNA- هه‌ولێر


ئەو چەکانەی کە وڵاتی کەنەدا بڕیاریدا بیدات بە پێشمەرگە، بەڵام لەلایەن بەغداد رێگری لێکرا، ئێستا چەند پەڕلەمانتارێکی کەنەدا دەیانەوێت ئەو چەکانە کە نرخەکەیان 9.5 ملیۆن دۆلارە بدەنە حکوومەتی ئۆکرانیا.

دەزگای هەواڵی کەنەدی، ناشناڵ پۆست، لە هەواڵێکدا ئاشکرای کردوە "15 مانگ پێش ئێستا حکوومەتی کەنەدا بڕیاریدا کە مووشەکی دژە تانک و چەکی دوورهاوێژ و هاوەن و ڕومانە و چەند جۆرێکی دیکەی چەک بۆ کوردەکانی عێراق بنێرێت بۆ جەنگی دژی داعش، بەڵام بەهۆی دواکەوتنی ڕەزامەندی حکوومەتی بەغداد ئەو چەکانە نە نێردران.

دواتریش، بەهۆی دروستبوونی جەنگ لە نێوان کوردستان و بەغداد، جارێکی دیکە ناردنی ئەو چەکانەی پێشمەرگە دواخرا. لە ئێستاشدا، ئەو چەکانە کڕدراون و لە خەزێنەی تایبەتی سوپای کەنەدان".

چەند پەڕلەمانتارێکی نەریتپارێزی کەنەدا، داوا لە حکوومەت دەکەن له‌ بری ئەوەی ئه‌و چه‌كانه‌ لەناو كۆگاكان کۆن بن، پێشکەشی ئۆکرانیا بکرێن.

جەیمس بیزان، پەڕلەمانتاری کەنەدی، لەو باریەوە بە ناشناڵ پۆستی گووت: "ئەوان (حکومەتی کەنەدا) ڕێگەیانداوە کە ئەو چەکانە لە خەزێنەکان بمێننەوە و تۆزیان لەسەر بنیشێت".

جەمیس زیاتر گووتیشی:" لەجیاتی ئەو چەکانە لەوێ بەفیڕۆبچن، لێگەڕێن بیدەین بە کەسانێک کە دەتوانن بەکاری بهێنن".

لە ئێستادا، ئۆکرانیا بەهۆی هەڕەشەکانی ڕووسیا، پێویستی بە چەک هەیە و ئامانجی ئەو پەڕلەمانتارانەش ئەوەیە کە یارمەتی حکوومەتی ئۆکرانیا بدەن.

چەند جارێک لە ڕابردوودا، حکوومەتی کەنەدا هەوڵی گەیاندنی ئەو چەکانەی بۆ پێشمەرگەدا، بەڵام بەهۆی ڕێگری بەغدا، هەوڵەکان بێ ئاكام بوون.

كه‌نه‌دا له‌ رێگه‌ی راوێژكاره‌ سه‌ربازییه‌كانییه‌وه‌ له‌ هه‌رێمی كوردستان هاوكاریی ھێزه‌كانی پێشمه‌رگه‌یان له‌ جه‌نگی دژی داعش كردووه‌و له‌ یه‌كێك له‌ میحوه‌ره‌كانی شه‌ڕیش سه‌ربازێكیان له‌ كاتی ھێرشی چه‌كدارانی داعش كوژرا.





ئەم هەواڵە 4948جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad