English | عربی | Kurdî دواهەواڵ
ڕاستەوخۆ  
 
كورد به‌رگه‌ی فشاره‌ ده‌ره‌كییه‌كانی گرت به‌ڵام 16ـی ئۆكتۆبه‌ر خه‌ونی میلله‌تێكی گه‌وره‌ی به‌ با دا
2018-05-28 [12:44 PM]

ZNA- هه‌ولێر


هیوا ئه‌حمه‌د مسته‌فا كه‌ ئه‌ندامی ئه‌نجوومه‌نی سه‌ركردایه‌تی پارتی دیموكراتی كوردستانه‌، له‌ دوو توێی كتێبێكدا، گرنگترین رووداوه‌ مێژوویی و سیاسییه‌كانی ساڵی 2017ـی كوردستان ده‌خاته‌ڕوو كه‌ ریفراندۆمی سه‌ربه‌خۆیی كوردستانی تێدا ئه‌نجامدرا و باسی رووداوه‌كانی 16ـی ئۆكتۆبه‌ر ده‌كات كه‌ به‌هۆی رێككه‌وتنی ژماره‌یه‌ك به‌رپرسی یه‌كێتی،  كه‌ركووك و خورماتوو و به‌شێكی زۆری ناوچه‌ كوردستانییه‌كان راده‌ستی به‌غدا كرانه‌وه‌و هێزه‌كانی حه‌شدی شه‌عبی و سوپای عێراق گه‌ڕانه‌وه‌ ئه‌و ناوچانه‌ی ساڵانێكی زۆر پێشمه‌رگه‌ له‌ هێرشی چه‌كدارانی داعش پاراستنی.

كتێبه‌كه‌ به‌ناوی (ریفراندۆم و 16 ی ئۆكتۆبه‌ر... ئاسته‌نگه‌كانی به‌رده‌م سه‌ربه‌خۆیی)ـیه‌ و نووسه‌ر له‌ پێشه‌كییه‌كه‌یدا ده‌ڵێت: "له‌گه‌ڵ راگه‌یاندنی بڕیاری حزب و لایه‌نه‌ سیاسییه‌كان بۆ ئه‌نجامدانی ریفراندۆم، ئه‌و ده‌وڵه‌تانه‌ی شه‌و و رۆژ باسیان له‌ مه‌سه‌له‌ی مافی مرۆڤ و دیموكراسییه‌ت و مافی گه‌لان ده‌كرد، زۆر به‌ په‌له‌ خۆیان له‌و مافه‌ بۆ گه‌لی كوردستان گه‌وجاند و هه‌ر یه‌كه‌ و به‌ پاساوێك دژی ئه‌نجامدانی ریفراندۆم وه‌ستانه‌وه‌. به‌ڵام له‌گه‌ڵ ئه‌وه‌شدا كوردستان به‌رگه‌ی فشاره‌ ده‌ره‌كییه‌كانی گرت به‌ڵام به‌رگه‌ی پیلانی ژه‌هراوی ناوخۆیی نه‌گرت و سه‌ره‌نجام رۆژی 16ـی ئۆكتۆبه‌ری 2017 خه‌ونی كورد له‌م سه‌رده‌مه‌دا به‌ (با) درا و میلله‌تێكی گه‌وره‌و گران نائومێد و مه‌لوول كرا و ئه‌نجامده‌رانی ئه‌و پیلانه‌ ژه‌هراوییه‌ خۆیان پێخسته‌ ناو زبڵدانی مێژووه‌وه‌و تا هه‌تایه‌ له‌ناویدا ده‌مێننه‌وه‌".

هیوا ئه‌حمه‌د مسته‌فا له‌ 203 لاپه‌ڕه‌دا باسی ئه‌و هه‌لومه‌رج و رووداوانه‌ ده‌كات كه‌ له‌ ماوه‌یه‌كی كه‌مدا روویداوه، به‌تایبه‌تی بڕیاری كشانه‌وه‌ی پێشمه‌رگه‌ له‌ به‌ره‌كانی شه‌ڕ له‌لایه‌ن چه‌ند به‌رپرسێكی یه‌كێتی نیشتمانی كوردستان، له‌ كاتێكدا پێشمه‌رگه‌كان له‌ژێر سه‌رپه‌رشتی كۆسره‌ت ره‌سو،ل و شێخ جه‌عفه‌ر له‌ شه‌ڕدا بوون و شه‌هیدیشیان دا".

به‌رگی ده‌ره‌وه‌ی كتێبی (ریفراندۆ و 16ی ئۆكتۆبه‌ر.. ئاسته‌نگه‌كانی به‌رده‌م سه‌ربه‌خۆیی)





ئەم هەواڵە 4363جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad