English | عربی | Kurdî دواهەواڵ
ڕاستەوخۆ  
 
پلە بەرزكردنەوەی هەزاران پێشمەرگە راگیراوە
2018-05-29 [07:22 AM]

ZNA – هەولێر


بەرپرسێك ئاشكرای دەكات تاوەكو پلە بەرزكردنەوەی پێشمەرگە لە سەرۆكایەتی هەرێمی كوردستان بوو ساڵانە سەدان و هەزاران پێشمەرگە پلەكانیان بەرز دەكرایەوە، بەڵام ئێستا كێشەی تێكەوتووە.

د.غازی دزەیی بەڕێوەبەری گشتی هەماهەنگی و بەدواداچوون لەدیوانی سەرۆكایەتی هەرێمی كوردستان بە باسی راگەیاند:  ئێستا پلە بەرزكردنەوەی پێشمەرگە لە ئەنجومەنی وەزیران دەكرێت، پاش دابەشكردنی دەسەڵاتەكانی سەرۆكی هەرێم ئێستا  پلە بەرزكردنەوەی هێزەكانی پێشمەرگە لە سەرۆكایەتی ئەنجومەنی وەزیران فەرمانی پێ دەكرێت و پەیوەندی بە ئێمەوە نەماوە.

بەپێی یاسای هەمواركراوی سەرۆكایەتی هەرێمی كوردستان، سەرۆكی هەرێم مەڕسومی پلەبەرزكردنەوەی ئەفسەرانی وەزارەتی پێشمەرگەی دەردەكرد، بەڵام ئەو دەسەڵاتە ئێستا دراوەتە ئەنجومەنی وەزیران.

دزەیی روونی كردەوە ، ئەوەی پەیوەندی بە پلە بەرزكردنەوەی پێشمەرگە هەبێت هەموویان جێبەجێ كردووە و هیچیان لا نەماوە، گوتیشی: ئەوەی بۆی نەكرابێت كێشەكە لای ئێمە نەبووە چونكە كێشەكە لای وەزارەتی پێشمەرگە بوو ئەوان لیستەكانیان رەوانە نەكردووە تەنانەت پلەبەرزكردنەوەی ساڵی 2016 شیان نەناردبوو.

ئاشكراشیكرد لە ساڵی 2015 دا پلەی هەزار و 328 پێشەرگە و ئەفسەری وەزارەتی پێشەرگە بەرزكرایەوە و مەڕسویان بۆ دەركرا.

لە ساڵی 2015 بۆ ئێستا پێویست بوو 5 لیستی تری پلە بەرزكردنەوەی پێشمەرگە دەرچووبوایە كە دەكاتە هەزاران پێشمەرگە.

 بە پێییاسا  دەبێت لە وەزارەتی  پێشمەرگە  ساڵانە دوو لیستی پلە بەرزكردنەوە دروست بكرێ،یەكێكیان لە نەورۆز و ئەوەی تریشیان لە 11ی ئەیلوول.

بەرزكردنەوەی پلەی پێشمەرگە بە گوێرەی پلەكانیان لە نێوان 3ساڵ  بۆ 4 ساڵ،  تادەگاتە 6 ساڵ جارێك، بەگوێرەییاسایڕاژە و خانەنشینی پێشمەرگە ژمارە 38ی ساڵی 2007، مولازم و مولازمییەك سێ ساڵ جارێك، نەقیب تا عەمید چوار ساڵ جارێك، لیوا تا فەریق شەش ساڵ جارێك پلەیان بەرز دەكرێتەوە.

 





ئەم هەواڵە 9046جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad