English | عربی | Kurdî دواهەواڵ
ڕاستەوخۆ  
 
ته‌عریبچییه‌كان دوورینه‌وه‌ی گه‌نم به‌ خه‌ڵكی په‌ڵكانه‌ راده‌گرن
2018-05-29 [02:23 AM]

ZNA- هه‌ولێر


عه‌ره‌به‌كان هێرش ده‌كه‌نه‌ سه‌ر دانیشتوانى گوندی په‌ڵكانه‌ی سه‌ر به‌ ناحیه‌ی سه‌رگه‌ڕانی قه‌زای دوبز و  به‌پشتیوانى لیوایه‌‌كی پۆلیسى فیدراڵی و پێش چه‌ند رۆژێكیش دروینه (دوورینه‌وه‌ى گه‌نم) یان به‌ خه‌ڵكی ناوچه‌كه‌ راگرتووه‌. به‌ڕێوه‌به‌ری ناحییه‌ی سه‌رگه‌ڕانیش داوا له‌ حكومه‌تى هه‌رێمى كوردستان ده‌كات ئه‌و بێ ده‌نگییه بشكێنیت وبه‌زوترین كات هێزیك بنێرێت و ئه‌و ته‌عریبچییانه ده‌ربكه‌ن".

له‌وباره‌یه‌وه‌ لوقمان حسێن ئه‌حمه‌د به‌ڕێوه‌به‌ری ناحییه‌ی سه‌رگه‌ڕان، داوای له‌ حكومه‌تی هه‌رێمی كوردستان كردووه‌، بێته‌ ده‌نگ و رێگه‌ له‌و عه‌ره‌به‌ ته‌عریبچیانه‌ بگرن، چونكه‌ ئه‌گه‌ر وا نه‌كرێت گونده‌كانى سنوورى ناحییه‌كه‌ به‌ته‌واوى چۆڵ ده‌كرێن وعه‌ره‌به‌ هاورده‌كانى گونده‌كانى دیكه‌ش ده‌گه‌ڕێنه‌وه‌ ناوچه‌كه‌".

به‌ڕێوه‌به‌ری ناحییه‌ی سه‌رگه‌ڕان له‌ ئاگاداریینامه‌یه‌كدا ده‌ڵێت: " له‌دواى ١٦ـی كۆكتۆبه‌ر و داگیركردنى كه‌ركوك له‌لایه‌ن سوپاى عێراق وحه‌شدى شه‌عبى و هاتنه‌وه‌ى عه‌ره‌به هاورده‌كانى سنوورى ناحیه‌ى سه‌رگه‌ڕان وپه‌ڵكانه بۆ ئه‌وه‌ی دووباره ته‌عریبكردنه‌وه‌ی ناوچه‌كه‌ ده‌ستپێبكه‌ن، ئێستا پۆلیسی فیدراڵی و حه‌شدی شه‌عبی پشتیوانییان ده‌كه‌ن و بۆ ئه‌و مه‌به‌سته‌ پڕچه‌كیان ده‌كه‌ن".

ئاماژه‌ی به‌وه‌شكردووه‌ پێشتر دوای هه‌وڵێكی زۆر لهلایه‌ن ‌په‌رله‌مان و په‌رله‌مانتاران وپارێزگاى كه‌ركوك و ئه‌نجومه‌نی پارێزگا و ده‌زگا حزبییه‌كان نه‌توانراوه‌ ئه‌و كێشه‌یه‌ چاره‌سه‌ر بكرێت و كار گه‌یشتووه‌ته‌ ئه‌وه‌ی رێگه‌نه‌ده‌ن خه‌ڵكی ره‌سه‌نی ناوچه‌كه‌ گه‌نمه‌كانیشیان بدوورنه‌وه‌".

به‌هۆی رێككه‌وتنی نێوان چه‌ند به‌رپرسێكی یه‌كێتی و حه‌شدی شه‌عبی و سوپای عێراق، هێزه‌كانی عێراق گه‌ڕێنرانه‌وه‌ كه‌ركووك و خورماتوو و ناوچه‌ كوردستانییه‌كانی دیكه‌ و به‌و هۆیه‌شه‌وه‌ هه‌ڕه‌شه‌ كه‌وتووه‌ته‌ سه‌ر كورده‌كان و مه‌ترسیی ته‌عریبێكی دیكه‌ سه‌ریهه‌ڵداوه‌ته‌وه‌و له‌ چه‌ند شوێنێكیش به‌ كرده‌یی ئه‌نجامدراوه‌.





ئەم هەواڵە 5083جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad