English | عربی | Kurdî دواهەواڵ
ڕاستەوخۆ  
 
لە مانگی رەمەزان خۆت لەم خۆراکانە بەدوور بگرە 
2018-05-30 [02:26 AM]

ZNA – ھەولێر 



مانگی رەمەزان مانگی بەرۆژووبوون و وخوێندنەوەی قورئانە ھەروەھا لایەنی روحی مرۆڤ زیاتر گەشە دەکات و خەڵک بەشێوەیەکی گشتی لە خواردن و خواردنەوە دوور دەکەونەوە .. 

پسپۆڕانی بواری خۆراک ئامۆژگاری ئەو کەسانە دەکەنە کە بەرۆژوو دەبن ھاوسەنگی لە خواردنەکانیان بپارێزن , چونکە مەبەست لەم مانگە زێدە خۆری نییە و دواتر کێشت پێی زیاد بکات , بەڵکو ئامانج لەم مانگە ئەوەیە خەڵک ھەست بە برسیەتی و پێدوایستی خەڵکانی ھەژار و کەم دەرامەت بکات , ھەروەھا مرۆڤ سوود لە لایەنە باشە کانی بەرۆژووبوون ببینێت , چونکە بەرۆژوو بوون دەبێتە ھۆی ئەوەی پاککردنەوەی لەش لە ژەھرەکان و پشوودانی گەدە و کۆئەندامەکانی دیکەی لەش ..
ھەروەھا پسپۆڕانی بواری خۆراک ئامۆژگاری خەڵک دەکەن کە لەھەندی خۆراک دوور بکەونەوە چونکە زیانێکی زۆر بە لەش دەگەینێت و دەبێتە ھۆی ئەوەی رێگری بکات لە زیادبوونی کێش و ھەروەھا بۆ ئەوەی لەشێکی رێک وپێکت دەست کەوێت ئەم خواردنانش بریتین لە : 
١.خۆراکی سوورکراوە : 
ئەم جۆرە خواردنانە رێژەیەکی زۆر چەوری تێدایە و ئەمەش بوار بە لەش نادات خۆی لێ دەرباز بکات و ئەمەش دەبێتە ھۆی کەلەکەبوونی چەوری و زیاد بوونی کێش . 
٢. خواردنە خێراکان (فاست فۆد): 
ئەو جۆرە ژەمانە پزیشکانی ھۆشداری دەدەن کە پێویستە لێیان دوور بکەوینەوە , چونکە ھۆکارن بۆ زیادبوونی کێشی لەش و ھەروەھا دەبێتە ھۆی دەرکەوتنی ھەندێک نەخۆشی ئەم سەردەمە وەک (بەرزبوونەوەی پاڵەپەستۆی خوێن , کۆلیسترۆل , نەخۆشییەکانی دڵ , شەکرە , ئاوسانی جگەر ).. 
٣. ئاردی سپی : 
ئەم جۆرە ئاردە لە دروست کردنی کێک و موعەجەنات و نانی سپی بەکار دێت .. 
٤. بەھاراتی زەڵاتە : 
ئەم جۆرە بەھاراتانەی لە کارگەکان ئامادە دەکرێن و مەوادەی حافزەی تێ دەکرێت , کاریگەری خراپی بەسەر جەستەی مرۆڤ ھەیە .. 
٥. دانەوێلەی ئامادەکراوی ناو قووتوو کە شەکری بۆ زیاد کراوە . 
٦. بەرھەمی سپیایی کە چەوری زۆرە : 
چونکە ئەم جۆرە شیرانە رێژەیەکی زۆر چەوری تێدایە کە ئەمەش دەبێتە ھۆی بەرزبوونەوەی رێژەی کۆلیسترۆل لە خوێن و ھەروەھا دەبێتە ھۆی ئەوەی تووشبوون بە جەڵتەی دڵ .. 
٧. ئەو خواردنانەی شەکری زۆری تێدایە . 
٨. ئەو خواردنەوانەی کە مادەی کافایینی تێدایە (سۆدا و خواردنەوە گازییەکان ,بەتایبەتی ئەوانەی شەکری تێدا نییە). 
٩. شیرنەمەنی , بەتایبەتی ئەوانەی زۆر چەور و پڕ شەکرن و مادەی کلۆکۆزی تێدایە .. 
ئامۆژگاری پسپۆڕان .. 
پێویستە بەباشترین شێوە سوود لەم مانگە پیرۆزە وەربگرین ، ھەروەھا خۆمان لە خواردنی زۆر بەدوور بگرین و رێژەیەکی باش ئاو بخۆینەوە بۆ قەرەبوو کردنەوەی تینۆیەتی رۆژانە . 
پێویستە ھەندێک چالاکی وەرزشی ئەنجام بدەین و ھەروەھا کاتێک دەچینە مزگەوت بە رۆیشتن بڕۆین و رۆژانە نوێژەکانی تەراویح ئەنجام بدەین بۆ ئەوەی پارێزگاری لە جەستەی خۆمان بکەین.

یاسین ئەحمەد 





ئەم هەواڵە 2944جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad