English | عربی | Kurdî دواهەواڵ
ڕاستەوخۆ  
 
نموونا پەرلەمانتارێن سەركەفتی
2018-05-30 [04:31 AM]

نڤیسینا: رەوان نهێلی


دەست ژ كاركێشانا پەرلەمانتارێ گۆڕان، مەسعود حەیدەر ل پەرلەمانێ عیراقێ، ئەوپەیامەگەهاندە هەموو لایەنان ئەگەر گەلەك جاران پارتێن سیاسی ل بەغدا ژ ئارمانجێن خەلكێ كوردستانی ب تایبەت یێن نەتەوەیی دەربچن، پێدڤیە بهێنە ئاگاداركرن و سنورەك بۆ بهێتە دانان، مەسعود حەیدەر ئەگەرێ سەرەكی یێ خوەڤەكێشانێ ژ بزاڤا گۆڕان ڤەگەراندەڤەوێ یەكێ كو گۆڕان كێشێن سیاسی یێن هەرێما كوردستانێ تێكەلی مافێن رەوان یێن دەستووری یێن خەلكێ كوردستانێ دكرن و ل بەغدا بەرەڤانی ژ مافێن خەلكێ كوردستانێ نەدكر، خوەڤەكێشانا هەر ئێك ژ د.شاهو سەعید، د.زانا رەئوف، كاروان سالح، محەمەد حاجی، سەردار عەبدولا، پاشان رابون مەعروف و رێباز حەملان وێ یەكێ دگەهینیت كو سیاسەتا بزاڤا گۆڕان و ئاراستێن وی گەلەك شاشی تێدا هەنە، لەوماژی نموونێن وەكو مەسعود حەیدەر ل بەغدا كو كوردایەتیی دكر، نە حزبایەتی هاتنە دورئێخستن، لێ مێژوو دێ شاهدەیێ بۆ دەت كو نموونا پەرلەمانتارێن هەرە سەركەفتی بوو. دوژمنی ژی گەلەك نموونێن بەرچاڤ دامە مە، یێن وەكو گۆران و كومەل دەمێ پشتی 16 ئوكتوبەری دگوتن، بەغدا دێ مووچان بۆ سلێمانیێ هنێریت و سوبە فرۆكخانا سلێمانیێ ڤەكەت، باش بۆ دیاربوون كو چو راستی بۆ نینە و ئەگەر ب بزاڤێن دبلوماسی یێن سەرۆك وەزیرێنهەرێمێ نەبووایە كو فشارێن نێڤدەولەتی ل بەغدا بكەت، رەنگە هەتا نوكەژی نە فرۆكە و نە چو هاریكاریێن دراڤی ژ بەغدا نەگەهشتبانە هەرێمێ، لەوما ژی ئەڤ نەئێكگرتنا مە و نە ئێك گوتاریا مە چو خزمەتێ ناگەهینتە پاراستنا ئەزموون و كیانێ هەرێما كوردستانێ، جهێ داخێ یە هەتا نوكە ژی چەند پارتێن سیاسی ب تایبەت گۆڕان، كۆمەل، نەوەی نوێ، هەڤپەیمانی بۆ دیموكراسیێ، پشتی هەلبژارتنێن پەرلەمانێ عیراقێ هەر نەڤێن سەقایەكێ سەقامگیر و تەنا یێ سیاسی ل كوردستانێ دروست بكەن، هەتا كو بەرەیەكێ هەڤپشكێ كوردی یێ ب هێز دروست بكەن و بچنە بەغدا، لێك دوركەفتنا پارتی دیموكراتی كوردستانو ئێكەتیا نیشتیمانیا كوردستانێ پشتی روودانێن 16 ئوكتوبەرێ، پارتی د وێ هزرێ دابوو كو ب چو رەنگەكێ رەفتارێ ل گەل ڤی تاقمێ خیانەتكار یێ ل پشت ڤێ روودانێ نەكەت، بەلێ ئەنجامێن هەلبژارتنێن پەرلەمانێ عیراقێ بوو سەدەم كو جارەكادی پارتی و ئێكەتی پێكڤە هزر ل دانانا پاكێجەكێ بكەن و پێكڤە بچنە بەغدا، لەوما هندی زویترە باشترە هەموو هێزێن سیاسی یێن كوردی یێن سەركەفتی د هەلبژارتنان دا، ئێك بگرن داكو ب شێن رۆلەكێ ئێكجار مەزن د نەخشێ سیاسی یێ عیراقێ دا بگێرن و ب ئێك رێز داخوازا مافێن گەلێ كورد یێن دەستوری بكەن و مفای ژ پەرتەوازیا ناڤ مالا شیعی و سوونی وەربگرن و چار سالێن بهێت بكەنە چار سالێن پری دەستكەفت بۆ هەرێما كوردستانێ و پێگەه و دەستكەفتێن هەرێما كوردستانێ ب پارێزن و باوەریا خەلكی و دەنگدەری بۆ خوە ڤەگەرینن ڤە.





ئەم هەواڵە 2134جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad