English | عربی | Kurdî دواهەواڵ
ڕاستەوخۆ  
 
مەکتەبی سیاسی پارتی ساڵیادی دامەزراندنی یەكێتی پیرۆز ده‌كات
2018-05-31 [03:04 AM]

ZNA-هەولێر


بەبۆنەی (43)هەمین ساڵیادی دامەزراندنی یەكێتی نیشتمانی كوردستان


مەکتەبی سیاسی پارتی دیموکراتی کوردستان بەبۆنەی (43)هەمین ساڵیادی دامەزراندنی یەكێتی نیشتمانی كوردستانه‌وه‌، پەیامێکی پیرۆزبایی ئاراستەی یەکێتی کرد کە ئەمە دەقەکەیەتی:

بەڕێزان/جێگری سكرتێری گشتی و ئەندامانی مەكتەبی سیاسی یەكێتی نیشتیمانی كوردستان

بەبۆنەی (43)هەمین ساڵیادی دامەزراندنی یەكێتی نیشتمانی كوردستانه‌وه‌، پیرۆزباییەكی گەرم لە ئێوە و ئه‌ندامانی سه‌ركردایه‌تی و سه‌رجه‌م ئەندام و لایەنگرانتان دەكەین و هیوای سه‌ركه‌وتنتان بۆ ده‌خوازین.

كاتێك ئێمە لە پارتی دیموكراتی كوردستان بەڕێزەوە یادی دامەزراندنی یەكێتی بەرز دەنرخێنین بۆ ئەو خزمه‌ته‌ی به‌ بزووتنەوەی رزگاریخوازی گەلەكەمانی كردووه‌، لای هەموان روونە، كە هەرێمی كوردستان بە هەلومەج و قۆناغێكی دیكە دا رەت دەبێ بەتایبەتی دوای هەڵبژاردنەكانی ئەنجوومەنی نوێنەران و پێكهێنانی كابینەی حكومه‌تێكی نوێ له‌ عێڕاق، بۆیە جارێكی دیكە جەخت دەكەینەوە سەر هاوخەباتی و یەكڕیزیمان شانبەشانی هێزولایەنە سیاسیەكانی دیكەی كوردستان بۆ پاراستنی دەسكەوتەكانمان و داكۆكیكردن لەو ئەزموونە و سووربوون لەسەر بەدیهێنانی تەواوی مافە رەواكانی گه‌له‌كه‌مان.

ئومێدەوارین ئەو یادە هەوێنی یەكگرتووی و زه‌مینه‌ سازی چاره‌سه‌ركردنی گرفته‌كانی نێو یه‌كێتی به‌ تایبه‌تی و نێو ماڵی كوردستانی به‌گشتی بێت له‌ پێناو بنیادنانه‌وه‌ی هاوپه‌یمانیه‌تییه‌كی پته‌و‌ی نێوانمان و هاوگوتاریی سیاسی و هاوپەیمانیی و برایەتی وتەبایی و ئاشتەوایی سەرجەم هێزو لایەنە سیاسیەكان و زاڵبوون بەسەر كۆسپ وتەگەرە و ناكۆكیە لاوەكیەكان و به‌ده‌ستهێنانی باشترین ده‌ستكه‌وت بۆ كورد و كوردستانیان.

جارێكی دیكە پیرۆزباییتان لێدەكەین و هەر سەركەوتوو و به‌رده‌وام بن..

مەكتەبی سیاسی
پارتی دیموكراتی كوردستان
31/5/2018





ئەم هەواڵە 2707جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad