English | عربی | Kurdî دواهەواڵ
ڕاستەوخۆ  
 
ئاماری نەتەوە یەکگرتووەکان: لە مانگی ئایاردا زیاتر له ٢٠٠هاوڵاتیی عێراقی کوژراون و بریندار بوونه
2018-05-31 [04:47 AM]

ZNA- هەولێر


 

بە پێی ئەو ئامارەی ئەمڕۆ نێردەی نەتەوە یەکگرتووەکان بۆ ھاریکاریی عێراق(یونامی) ‏بڵاوی کردۆتەوە، لە دەرئەنجامی کردەوە توندوتیژی و تیرۆرستی و پێکدادانی چەکداری کە  لە مانگی ئایاری  ٢٠١٨دا ‏روویانداوە، ٥٩ھاوڵاتی  مەدەنی عێراقی کوژراون(کە پۆلیس ناگرێتەوە) و ١٦٣کەسی دیکەش برینداربوون.

 

ئەو ژمارانە ھاووڵاتی مەدەنی و ئەو ھاووڵاتییانە دەگرێتەوە کە لە کاتی مردن یان بریندار بوون وەک ھاووڵاتی مەدەنی ڕەچاوکراون وەکو پۆلیس لە دەرەوەی ئەرکی سەربازی، بەرگری شارستانی و کارمەندانی پاسەوانی کەسی و پاسەوانی پاراستنی بارەگاکان و کارمەندانی ئاگرکوژێنەوە.  

 

ژمارەی گشتی قوربانییانی مەدەنی کە لەلایەن یونامییەوە لە مانگی ئایاردا تۆمارکراون(بەدەر لە ژمارەی قوربانییانی پۆلیس) ٨٦ کوژراو و ١٤٨بریندار بووە.

 

پارێزگای بەغدا بەرکەوتەترین پارێزگابووە، ١١٧ ھاوڵاتی مەدەنی بوونەتە قوربانی(٤٥ کوژراو و ٧٢ بریندار)‌. دوای ئەو پارێزگای دیالە دێت کە ئامارەکانی برتییە لە (٩ کوژراو و ٣٥بریندار) و لە کەرکوکیش (٢٠ کوژراو و ١٦ بریندار) ھەبوون.

 

بەگوێرەی ئەو زانیارییانەی کە یونامی بەدەستی ھێناوە لەلایەن بەڕێوەبەرایەتی تەندروستی پارێزگای ئەنبارەوە، ژمارەی قوربانیان لەو پارێزگایە ٢١ بووە(٦ کوژراو و ١٥ بریندار). ژمارەکان تاکو کۆتایی رۆژی ٣١ی ئایار کۆکراونەتەوە.





ئەم هەواڵە 6967جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad