English | عربی | Kurdî دواهەواڵ
ڕاستەوخۆ  
 
وڵاتێكی بچووك هەیە لەناو دڵی ڕۆژهەڵاتی ناوەڕاست ناوی هەرێمی كوردستانە
2018-06-01 [09:22 AM]

نووسینی زکری موسا


بە ئاگر و تیرۆر دەور دراوە، هەموو ئازاری دەدەن، گەلەكۆمەكێی ناوخۆیی و دەرەكی لەدژی دەكەن.

لەناوخۆدا چرنۆك بە جەستەی شەكەتیدا دەكێشن، هەموویان، هەر لە ڕدێنپانی داعش باوەڕەوە بگرە هەتا تەزویرچی و خاكفرۆش، لە تەوروەشێن و كونسولكوژەوە بگرە هەتا موزایەدەچی و میدیای بەناو بێلایەن، لە مەلای مزگەوتەوە بگرە هەتا پزیشك و ئەندازیاری ساختەكار، لە گەندە مەسئولەكانەوە بگرە هەتا بەنزیندز و مشەخۆر، لە حزبەكانەوە بگرە هەتا ڕێكخراوەكانی كۆمەڵگەی مەدەنی، هەتا ئەوەی پیسی دەكات، هەتا ئەوەی گلۆپی زیادە ناكوژێنێتەوە و ئاو بە فیڕۆ دەدات.. هەموویان ئازاری دەدەن لێی دەخوێنن، دەیچەوسێننەوە، بە قەرزاری خۆیان دەزانن.. هەرێمی كوردستان هەر ماوە و نەكەوتووە.

زۆر لە موزایەدەچی و موستەفیدەكان دەڵێن، هەرێمی كوردستان بیستو شەش ساڵە حوكمی خۆی دەكات كەچی هێشتا... هێشتا...

ناشڵێن، عێراق سەدساڵە دەوڵەتە كەچی هێشتا وڵات نییە

ئێران دووهەزاروپێنجسەد ساڵە دەوڵەتە كەچی هێشتا ڕۆڵەكانی لە سێدارە دەدات و وڵات نییە

توركیا شەشسەت ساڵە ئیمپراتۆریەتە كەچی هێشتا نەیتوانیوە خۆی لە فاشیەت و جەهلی سیاسی ڕزگار بكات

سووریا دەیان ساڵە دەوڵەتە كەچی بووەتە گۆمی خوێن..

غەرب پێنج سەد ساڵە لەسەر چەوساندنەوەی شەرق و دزی و تاڵان و شەڕ دەژیێت و هێشتا هەر بەردەوامە لە و ئەكتە نامرۆڤانەیەی..

وڵاتی ئێمە كوردستانە، بە هەموو كەموكورتییەكانییەوە دەبێ بیپارێزین و ئازاری نەدەین و فەخری پێوە بكەین.. بڕۆن پیاسەیەكی ناو كۆڵانەكانی بەغدا و بەسڕا بكەن ئەوكات دەزانن هەرێمی كوردستان چەندە لە پێش ئەوانە.





ئەم هەواڵە 2713جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad