English | عربی | Kurdî دواهەواڵ
ڕاستەوخۆ  
 
قه‌ته‌ر: به‌شداری هیچ شه‌ڕێك دژی ئێران ناكه‌ین
2018-06-03 [09:55 AM]

ZNA - هه‌ولێر


جێگری سه‌رۆكی وه‌زیران و وه‌زیری به‌رگری قه‌ته‌ر خالید عه‌تیه‌ وتی، وڵاته‌كه‌ی ناچێته‌ ناو هیچ شه‌ڕێك له‌ دژی ئێران، وتیشی، ئه‌مه‌ریكا هه‌نگاوی مه‌ترسیداری له‌مجۆره‌ نانێت.

خالید عه‌تیه‌ له‌ وته‌یه‌كیدا له‌میانی كۆنگره‌ی ئاسایشی نێوده‌وڵه‌تی كه‌ له‌ سه‌نگافوره‌ به‌ڕێوه‌ ده‌چێت، وتی، له‌گه‌ڵ ئه‌وه‌ی ناكۆكیمان له‌گه‌ڵ ئێران هه‌یه‌ به‌ڵام ئه‌وه‌ مانای ئه‌وه‌ی نییه‌ قه‌ته‌ر هه‌وڵی هه‌ڵگیرسانی شه‌ڕ ده‌دات.

پرسیاری ئه‌وه‌ی كرد، چ حیكمه‌تێكی تێدایه‌ ئه‌مه‌ریكا و ئیسرائیل هێرش بكه‌نه‌ سه‌ر ئێران، هۆشداری دا له‌وه‌ لایه‌نێكی سێیه‌م كه‌ ناوی نه‌هێنا ناوچه‌كه‌ و وڵاته‌كه‌ به‌ره‌و شه‌ڕێك له‌دژی تاران به‌رێت، ئه‌و كاره‌ش زۆر مه‌ترسیداره‌.

وه‌زیره‌ قه‌ته‌ره‌كه‌ ئاماژه‌ی به‌وه‌ش كرد، ئێران دراوسێیه‌ و پێویسته‌ له‌سه‌ر وڵاتانی ناوچه‌كه‌ له‌سه‌ر مێزی گفتوگۆ له‌گه‌ڵی دابنیشن و سه‌رچه‌م دۆسیه‌ هه‌ڵپه‌سێردراوه‌كانیان له‌گه‌ڵ باس بكه‌ن و ناوچه‌كه‌ به‌ره‌و ئاشتی به‌رن نه‌وه‌ك شه‌ڕ.

سه‌باره‌ت به‌وه‌ی قه‌ته‌ر رێگه‌ ده‌دات بنكه‌ سه‌ربازییه‌كانی خۆی بۆ هێرشكردن بۆ سه‌ر ئێران به‌كار بهێنرێت، وتی، قه‌ته‌ر له‌گه‌ڵ شه‌ڕ نییه‌ و پشتیوانی گفتوگۆ و دانوستان ده‌كات.

 

ئه‌سۆشیێتدپرێس

 

 





ئەم هەواڵە 4357جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad