English | عربی | Kurdî دواهەواڵ
ڕاستەوخۆ  
 
سه‌رۆك بارزانی: پڕۆسەی سیاسیی عێراق دەبێت لەژێر ڕۆشنایی سێ پڕەنسیپی سەرەكی بێت
2018-06-03 [01:04 AM]

ZNA هه‌ولێر


 

سه‌رۆك بارزانی، له‌ كۆبوونه‌وه‌یدا له‌گه‌ڵ كۆنسوڵی گشتی فه‌ره‌نسا له‌ هه‌ولێر، رایگه‌یاند، به‌شداریكردنی لایه‌نه‌ كوردستانییه‌كان، له‌ حكوومه‌تی داهاتووی عێراق له‌سه‌ر سێ پره‌نسیپی سه‌ره‌كی ده‌بێت، ئه‌وانیش هاوبەشی و تەوافوق و هاوسەنگی لە دۆسیەی سیاسی و بەڕێوەبردن و ئابووری و ئەمنیدا ده‌بێت.

 

ئه‌مڕۆ یه‌كشه‌ممه‌، سه‌رۆك بارزانی، له‌ سه‌ڵاحه‌ددین له‌گه‌ڵ  برۆنۆ ئۆبیر باڵیۆز و دۆمینیك ماس، كۆنسوڵی گشتی فه‌ره‌نسا له‌ هه‌ولێر كۆبووه‌وه‌ و لەبارەی پڕۆسەی سیاسیی عێراق و قۆناغی دوای هەڵبژاردنەكان و بەشداریی لایەنە كوردستانییەكان جەختی لەوە كردەوە رەچاوكردن و جێبەجێكردنی هەر سێ پرەنسیپی هاوبەشی و تەوافوق و هاوسەنگی لە دۆسیەی سیاسی و بەڕێوەبردن و ئابووری و ئەمنیدا ئەولەویەتی سەرەكییه‌ و وردەكارییەكانی دیكه‌ لە پڕۆسەی سیاسیی عێراقدا دەبێت لەژێر ڕۆشنایی ئەو سێ پڕەنسیپە سەرەكییە بێت.

 

كۆبوونه‌وه‌ی سه‌رۆك بارزانی، له‌گه‌ڵ باڵیۆزی فه‌ره‌نسا له‌ عێراق و كۆنسوڵی گشتی له‌ هه‌ولێر

 

لە دیدارەكەدا باڵیۆزی فەڕەنسا لە عێراق وێڕای گەیاندنی سڵاوی سەرۆكی فەڕەنسا و وەزیری دەره‌وەی وڵاتەكەی بۆ سەرۆك بارزانی، پیرۆزبایی سەركەوتنی لیستی پارتی دیموكراتی كوردستانی كرد.

 

برۆنۆ ئۆبیر هیوایشی خواست هەرێمی كوردستان بەشداریی چالاكانە لە پڕۆسەی سیاسیی عێراقدا بكات لەسەر بنەمای بنچینەكانی دەستوور و عێراقییەكانیش رێز لە ویست و ئاواتەكان گەلی كوردستان بگرن.

 

هەروەها ئاماژەیشی بە ڕۆڵی كاریگەر و یەكلاكەرەوەی سەرۆك بارزانی دا لە ئاییندەی پرۆسەی سیاسیی عێراق و ئەوەیشی خستەڕوو كە وڵاتەكەی ئامادەیە یارمەتیدەر بێ بۆ داهاتووی عێراق و ئاوەدانكردنەوەی كوردستان.

 

لای خۆیەوە سەرۆك بارزانی سوپاسی هەڵوێستی سەرۆك و گەل و حكوومەتی فەڕەنسای كرد لەبەرانبەر گەلی كوردستان و بە هەڵوێستێكی هاوسەنگی لەقەڵەم دا كە لە گەلێك چاوەڕێ دەكرێ كە خاوەنی شارستانیەت و پڕەنسیپەكانی مرۆڤسالارییە و ئەوەیشی خستەڕوو كە لە گشت قۆناغێكدا گەلی كوردستان خۆی بە دۆستی نزیكی گەلی فەڕەنسا دەزانێ و سوپاسگوزاریەتی.

 

مەترسییەكانی سەرهەڵدانەوەی تیرۆر لە عێراق تەوەرێكی دیكەی ئەو كۆبوونەوەیە بوو و هەردوولایش لەسەر ئەوە هاوڕا بوون كە لە مەڕ پڕۆسەی سیاسی و پێشهاتەكانی عێراقدا لە ڕاوێژ و پەیوەندیی بەردەوامدا بن.

 





ئەم هەواڵە 7507جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad