English | عربی | Kurdî دواهەواڵ
ڕاستەوخۆ  
 
پارت و سیاسیێن عیراقێ و کوردستانێ
2018-06-04 [11:02 AM]

نڤیسینا : غیاس خالد زێباری


جڤاکێ عیراقێ پشتی ژناڤبرنا رژێما دکتاتۆریا بەعس ل سالا ٢٠٠٣  لسەر بنەمایێ فیدرالی و دیموکراسی سەر ژنوو ھاتەڤ ئاڤاکرن ، دەرفەت ب ھەمی وان پارتیێن باوەری بڤی سیستەمی ھاتە دان پشکداریێ ددەسھەلاتێ دا بکەن , نەخاسمە وان حزبێن لسەر دەمێ رژێما دکتاتۆری ھاتینە قەدەغەکرن و ل وەلاتی ھاتینە دوورکرن ، مینا (حزبا دەعوە و حزبا ئیسلامی و جڤاتا بلندا ئیسلامی و .... ھتد ) ، ئەڤ حزبە و ھندەک حزبێن دیتر یێن عەرەبی یێن عیراقێ لسەر دەمێ رژێما دکتاتۆریا بەعس خەباتا چەکداری و سیاسی کریە و تووشی کارەسات و ئاوارەیی یێ بوونە ، لسەر دەمێ ئاڤاکرنا عیراقا نوو یا پشتی رژێما بەعس ، ئەڤ حزبە خودان زێدەتر جەماوەر بوون لسەر ئاستێ جادا عەرەبیا عیراقێ و ھەتا نھو دەسھەلاتداریا عیراقێ کریە ، رەنگە دیرووک و خەبات و قوربانیدانا وان دژی رژێما بەعس فاکتەرەکێ بەرچاڤ بیت ژبۆ جەماوەربوونا ڤان حزبا و بدەست ڤەئینا رێژەیەکا زۆرا کورسیێن جڤانا نوونەرێن عیراقێ ل ھەلبژارتنان ، لێ ل دووماھی ھەلبژارتن دا ئەڤ حزبێن پیرێن عیراقێ سەرەرای موکومکرنا شوون پێن خۆ ل دەسھەلاتێ و بکارئینانا سەروەت و سامانی بۆ زێدەکرنا دەنگان ، تووشی شکەستنەکا مەزن بوون و نەگەھشتنە رێژا شیانێن پێک ئینانا کابینا نوو یا حکومەتا عیراقێ ئەگەر چ ھەڤپەیمانان پێک نەئینن ، لسەر ئاستێ کەسی ژی زۆر ل پەرلەمانتارێن ڤێ گەرێ دەنگێن پێتڤی نەئینا بۆ دووبارە ھەلبژارتنا وان وەک ئەندامێن جڤاتا نوونەرێن عیراقێ ،  بەرامبەر وان حزب و کەسێن نوو ددەسھەلاتا عیراقێ دا مینا رەوتێ سەدر و ھژمارەکا سەروچاڤێن نوو ل ھەلبژارتنێن  ١٢/٥/٢٠١٨ باوەریا خەلکێ عیراقێ بدەستڤە ئینا ، ئەڤ ھەلویستێ خەلکێ عیراقێ بەرامبەر حزبێن پیرێن عیراقێ د ڤان ھەلبژارتنان دا دبێژن ئیدی خەلک ل سەروچاڤێن وە تێر بوونە و ھوون دناڤ سالێن دەسھەلاتێ دا دسەرکەفتی نەبوونە و کەس و حزبێن فاشل بوونە و خەلکی دڤێت حزب و لایەنێن دیتر تاقیبکەت ، براستی ژی مافێ خەلکی یە ڤێ بریارێ بدەت و پێتڤی بوو بەری نھو ئەڤ بریارە دابا ، چونکی دڤان چاردە پازدە سالێن بووری دا حزبێن دەسھەلاتێن عیراقێ جھێ خزمەتکرنا عیراقێ و خەلکێ وێ ھەمی شیان و دراڤ بۆ حزمەتا خۆ و حزبێن خۆ بکار ئینان ، نە شیایە سەروەریا عیراقێ ب پارێزن ، نەژی دابینکرنا ئاسایشا وەلات و وەلاتیان ، لسەر دەمێ دەسھەلاتداریا پیرەحزبێن عیراقێ ، عیراق بوویە رێزا پێشیا وەلاتێن پڕگەندەلێن جیھانێ و دروستکرنا دوو بەرەکیێ دناڤبەرا خەلکێ عیراقێ و بەلاڤکرنا  توند ڕەویا مەزھەبی و چەندین رەفتارێن دیتر ێن نە بەرپرسیاری بەرامبەر عیراقێ خەلکێ ھەرێما کوردستانێ د ھەمان ھەلبژارتن دا ب رێژەیەکا زۆر بەرچاڤترا عیراقێ پشکداری دڤان ھەلبژارتنان دا کر و ئەنجامێن ھەلبژارتنان دا بەرۆڤاژی خەلکێ عیراقێ بوون ، بِرانیا خەلکێ کوردستانێ ل ١٢/٥/٢٠١٨  پارتیێن خودان ئەزمۆن ل دیرۆکا بزاڤا رزگاریخوازیا کوردستانی و ئیدارەدان و رێڤەبرنا ھەرێما کوردستانێ ھەلبژارتن ، مینا پارتی دیموکراتی کوردستان ، سەرکەفتنا پارتی وەک کەڤنترین پارتیا کوردستانی دڤان ھەلبژارتنان دا بڤێ رێژا بەرچاڤ نیشانێ ھندێ یە کو خەلکێ کوردستانێ خەبات و قوربانیدانا پارتی ژ پێخەمەت ئازادیێ و بەرژەوەندێن گشتی ھژمار دکەت و سیاسەتا پارتی یا نەتەوی و نشتیمانی و رێڤەبرنا حکومەتا ھەرێما کوردستانێ ب سیاسەتەکا سەرکەفتی دبینیت ، چونکی لسەر دەستێ پارتی ھەرێما کوردستانێ قۆناغێن باش ژلایێ سیاسی و ئابووری و ئاڤەدانی و ئێمناھیێ برینە ، سەرەرای وان قەیران و ئاستەنگێن حکومەتا عیراقێ بەردەوام بۆ درۆست دکەت ، ئەگەر نە ل ھەرێما کوردستانێ ژی پارتیێن گەنج و نوو ھەنە ، کو ب درۆشم پرۆشێن دیموکراسی و چاکسایێ و وەک ھەڤیێ و دادوەریێ بلند دکەن . 

لێ دیارە خەلکێ کوردستانێ ، ھەلسەنگاندنەکا ھەمەلایەنەیان ڤان پارتیا کریە و د پرۆژە و درۆشمێن حزبێن گەنج گەھشتیە کو نەشێن خزمەتا دۆزا سیاسی و ئاڤەدانی و ئێمناھیا کوردستانێ بکەن ، درۆشمێن وان تنێ بۆ گەھشتن ب دەسھەلاتێ نە , چونکی دڤان چار سالێن بووری حزبێن گەنج یێت کوردستانێ دەمێ ھاتینە د دەسھەلاتێ چ لسەر ئاستێ ھەرێمێ یان عیراقێ ، نەشیا بەرامبەر پرسێن نەتەوی د خۆراگر بن و کەفتنە بن ئەجندارێن داگیرکەران و شکەستنەکا مەزنا سیاسی خار ژلایێ ئیداری ژی د حکومەتا ھەرێما کوردستانێ خۆ لبەر قەیرانا نەگرت و دنازکترین کاوداندا خۆ ل حکومەتێ ڤه‌كێشا ، ئەڤەژی نیشانێ ترسنۆکیێ یە .





ئەم هەواڵە 1171جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad