English | عربی | Kurdî دواهەواڵ
ڕاستەوخۆ  
 
دز خاوەن ماڵی گرت
2018-06-05 [12:19 PM]

نووسینی: ئاریان فه‌ره‌ج


كەركوك بە خیانەت رادەستكرا، بە بەكارهێنانی ناڕەوای سوپای نیشتمانیی وەك چەكێك بۆ یەكلاكردنەوەی ململانێی سیاسی، داگیركرا. پارێزگار و سەرۆكی ئەنجومەنە شەرعی و هەڵبژێردراوەكەی وەدەرنران. لە جێی ئەوان دەسەڵاتی سەربازی و هەژمونی میلیشیایی هاتنەسەركار. دەسەڵاتێك بە زەبری كوشت و بڕ و تەعەددا و سەركوتكاریی سیاسی و سوتاندن و فەرهودكردنی بارەگا و ماڵ و بازاڕ و رواوەدونانی تێكۆشەران و كوردپەروەران خۆی سەپاند. 
ئەوەی رویدا بە دیوە عێراقییەكەیدا لەشكركێشی و دوژمنكارییەك بوو كە عێراقی گێڕایەوە بۆ سەردەمی پەلاماردان و ئەنفال و سوتماكی خاكی كوردستان. بە دیوە ناوخۆیەكەشیدا ناپاكییەكی بێ وێنە و زەبرێكی كوشندە بوو لە دۆزی نەتەوەی كورد وەشێندرا. 
ئەوەی لە كەركوك رویدا، دەبوا لە سەر هەردوو ئاستی رەسمی و میللی لە كوردستاندا هەڵوەستەی جددی بەرامبەر بكرێت. دەبوا رای گشتیی كوردستان فروانترین كاردانەوەی هەبوایە هەم بۆ پشتگیریی لە خەڵكی غەدرلێكراوی كەركوك و لە كوردستانییەتی شارەكە و رەتكردنەوەی داگیركردنی، هەم بۆ ریسواكردنی خیانەتكاری و خاكفرۆشی و ئەوانەی ئەو مەرگەساتەیان بەسەر كەركوكدا هێنا. دەبوا لەسەر ئاستی رەسمییش بە هەر نرخێك بێت رێگە نەدرێت سەبەبكاران وا تێبگەن كە چاوپۆشی لە كردەوەكەیان كراوە و جینایەتەكەیان تەسلیم بە لەبیرچونەوە كراوە و وەك بەرزەكی بانان بۆی دەرچوون. 
ئەگەر خاوەن ماڵ دز نەگرێت، دزی بێ عار و چاو قایم تەماع لە گرتنی خاوەن ماڵ دەكات. بڕیاری دەستگیركردنی رێبوار تاڵەبانی سەرۆكی شەرعیی ئەنجومەنی پارێزگای كەركوك، دروست ئەم پەندەی بۆ دەگونجێ. ئەوانەی چارەنوسی كەركوكیان دزی و رادەستیان كرد و تا ئێستا بێ سزا لێی دەرچوون، حەقیانە جورئەت بە خۆیان بدەن و بیر لە سزادانی ئەو كەسانە بكەنەوە كە دەیانویست پیلانەكەیان ئاستەنگ بكەن و رێ لە فرۆشتن و بەدەستەوەدانی كەركوك بگرن. كە دەسەڵاتی خۆسەپێن و دەسكێشەكانیان خۆ بە دەسەڵاتی شەرعی و نیشتمانی و خاوەن ماڵ بزانن، حەقیانە جورئەت بكەن دەسەڵاتە هەڵبژێردراو و شەرعییەكەی پارێزگاكە دەستگیر و دادگایی و سزا بدەن. 
بەڵام دواجار هیچ یەك لەم مناوەرە و بڕیارە نەزۆك و ناڕەوایانە ناتوانن رەوایی بە رەوشی ناجۆری كەركوك و ئەو دەسەڵاتە تاكرەو و خۆسەپێنە بدەن كە دەرهاویشتەی لەشكركێشی و پیلانگێڕییە و بە پشتی خیانەت و خاكفرۆشی بەدەست هاتووە. رەوشێك كە بە هەموو پێوەرێك نائاسایی و ناشەرعی و كاتییە و هەر دەبێ كۆتایی بێت.





ئەم هەواڵە 490جار خوێندراوەتەوە
 
 
ڤیدیۆ گەلەری
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad