English | عربی | Kurdî دواهەواڵ
ڕاستەوخۆ  
 
سەدر داوای چارەسەرکردنی کێشەی ئاو دەکات
2018-06-05 [02:30 AM]

​ZNA - هەولێر


موقتەدا سەدر، رێبەری رەوتی سەدر سێ پێشنیاز بۆ چارەسەرکردنی کێشەی کەمی ئاو پێشکەش دەکات.

سەدر لە تویتێکدا لە لاپەرەی خۆی لە تۆڕی کۆمەڵایەتی تویتەر سێ پێشنیازی لەبارەی چارەسەرکردنی کێشەی کەمی ئاو پێشکەش کردووە، لە خاڵی یەکەمدا سەدر پێشنیازی پێشکەشکردنی داوایەکی لەلایەن وەزارەتی دەرەوە، یان وەزارەتە پەیوەندارەکان بۆ کۆبوونەوەی بەپەلەی ئەو وڵاتانە کردووە کە رووبارەکانی پێدا تێدەپەڕێت، بۆ ئەوەی گفتوگۆ لەبارەی کێشەی ئاو بکەن، لە خاڵی دووەمیشدا داوای کۆبوونەوەی بەپەلەی وەزارەتەکانی پەیوەست بە چارەسەرکردنی کێشەی ئاوی لە عێراق کردووە، بۆ ئەوەی لێژنەیەکی بەردەوام لەبارەی هۆکاری کەم ئاوی و دانانی چارەسەرێک بۆ ئاسایشی ئاو پێکبهێنن.

سەدر لە دوا خاڵی پێشنیازەکانیدا داوای دابین کردنی بڕێک پارە لەلایەن حکومەتی عێراق بۆ وەزارەتی سەرچاوە ئاوییەکان کردووە بۆ ئەوەی رووبەڕووی کێشەی کەم ئاوی لە وڵات ببێتەوە.

ئەم پێشنیازانەی سەدر لەکاتێکدایە کە چەند رۆژێکە بەهۆی دروستکردنی بەنداوێک و گرتنەوەی ئاوی رووباری دیجلە لەلایەن تورکیاوە ئاستی ئاوی رووبارەکە بەشێوەیەکی مەترسیدار کەمیکردووە.

 





ئەم هەواڵە 6145جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad