English | عربی | Kurdî دواهەواڵ
ڕاستەوخۆ  
 
لەسلێمانی لیژنەی ھاوبەشی تەندروستی پێك دێت
2018-06-07 [11:22 AM]

ZNA - هه‌ولێر


 

قایمقامیه‌تی سلێمانی له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس نێردراوه‌، تێیدا هاتووه‌، لیژنەیەکی تایبەت بۆ بەدواداچونی نرخ و کوالیتی دەرمان لە شاری سلێمانی راگەیەندراو قائیمقامی سلێمانیش دەڵێت ھەر دەرمانخانەو نۆرینگەیەک پابەندی مەرج و رێنماییەکانی وەزارەتی تەندروستی ھەرێم نەبێت، رووبەڕووی سزای یاسایی دەکرێتەوە.

ئەمڕۆ پێنجشەممە بۆ رێکخستنی نرخ و رێگریکردن لە دەرمانی کوالیتی نزم و زیانبەخش "لیژنەی ھاوبەشی تەندروستی" لە شاری سلێمانی راگەیندراو ئەرکی لیژنەکە بەدواداچون دەبێت بۆ کوالیتی و رێکخستنی نرخی دەرمان.

لەکۆنفرانسێکی رۆژنامەوانیشدا ئاوات محەمەد قائیمقامی سلێمانی رایگەیاند، ئەرکی سەرەکی لیژنەکە لەپاڵ بەدواداچون بۆ کوالێتی دەرمان رێگریکردن دەبێت لە زیادکردنی نرخ و نەھێشتنی ئەو جیاوازیەی کە لە نرخی دەرماندا لە دەرمانخانەو نۆرینەگەکاندا بەدی دەکرێت.

ئاماژەی بۆ ئەوەشکرد، لە ھەفتەی داھاتووەوە لیژنەکە دەستبەکار دەبێت و سەردانی ھەموو دەرمانخانەو نۆرینگەکان دەکات و بەووردی بەدواداچون دەکات بۆ کوالێتی و نرخی دەرمان و ھەر شوێنێک پابەند نەبێت رووبەڕووی سزایی یاسایی دەبێتەوە.

ئاوات محەمەد وتیشی، سەرەتا لیژنەکە بە ئاگادارکردنەوە و دواتر سزای دارایی دەست پێدەکەن و ئەگەر دەرمانخانەو نۆرینگەکان پابەند نەبوون شوێنەکانیان دادەخرێت و دواین ھەنگاویش رووبەڕوو کردنەوەی ئەو شوێنانە دەبێت بە دادگا کە پابەند نابن.

هه‌ر کۆنفرانسە رۆژنامەوانیەکەدا د.سەباح ھەورامی بەڕێوەبەری تەندروستی سلێمانی رایگەیاند، لیژنەکە لە کەسانی پسپۆڕ و شارەزا پێکھاتووە و ھەموو دەسەڵاتێکیان دەبێت بۆ رێکخستنی نرخ و رێگریکردن لەدەرمانی کوالیتی خراپ .

 

 





ئەم هەواڵە 2701جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad