English | عربی | Kurdî دواهەواڵ
ڕاستەوخۆ  
 
باڵه‌كایه‌تی... تراكتۆری كێڵان بۆ ناوچه‌كه‌ دابین ده‌كرێت
2018-06-07 [11:29 AM]

ZNA - هه‌ولێر


 

دەزگای خێرخوازیی بارزانی بە هاوکاری کۆمپانیای پاپە گرووپ، پرۆژەیەکی خێرخوازیی گرنگ بۆ جوتیاران لە هەرێمی کوردستاندا بەڕێوەدەبات. لە پرۆژەکەدا ٦ تەراکتۆر دابین کراوە بۆ کێڵانی زەوی بەبێ بەرانبەر.

 

رێکەوتی ١/٥/٢٠١٨ لە دەڤەری باڵەکایەتی دەستکرا بەجێبەجێکردنی پرۆژەکە و لەلایەن دەزگای خێرخوازیی بارزانی و کۆمپانیای پاپە گرووپەوە ٣ تەراکتۆر بۆ ئەو ناوچەیە دابین کرا. دواتر لە رێکەوتی ١٥/٥/٢٠١٨ لە دەڤەری بارازنیش پرۆژەکە جێبەجێکار و ٣ تەراکتۆری دیکە بۆ کێڵانی زەوی جوتیاران دابین کرا.

 

بەپێی لێدوانی بەڕێز موسا ئەحمەد سەرۆکی دەزگای خێرخوازیی بارزانی، لەم پرۆژەیەدا خێزانی شەهیدان و بریندارانی شەڕی دژی داعش و پەککەوتە و هەژاران و کەمدەرامەتانی ناوچەکە سودمەند دەبن.

 

جێگای ئاماژەیە رۆژانە هەر تەراکتۆرێک ٨ سەعات کار دەکات و زەوی جوتیارەکان بەبێ بەرانبەر دەکێڵێت. بەمەش هەر سەعاتێک ٣٠ هەزار دینار بۆ خاوەن زەوییەکان دەگەڕێنێتەوە.

 

پرۆژەکە بۆ ماوەی سێ ساڵ بەردەوام دەبێت و هەر ساڵێک لە وەرزی کێڵاندا بۆ ماوەی ٣ مانگ، زەوییەکان لە لایەن دەزگای خێرخوازیی بارزانی‌یەوە دەکێلدرێن. دەزگای خێرخوازیی بارزانی بۆ هەر تەراکتۆرێک شۆفێرێکی دابین کردووە، کە موچەی مانگانەی هەر شۆفێرێک بڕی ٨٠٠ هەزار دیناری عێراقییە.

 

مەبەستی دەزگای خێرخوازیی بارزانی لەم پرۆژەیە بەرەو پێشبردنی کەرتی کوشتوکاڵە لە ناوچەکە و پاڵپشتی کردنی خێزانە شەهیدان و برینداران و هەژار و کەمدەرامتەکانی ناوچە کوشتوکاڵییەکانی کوردستانە. لە بەرنامەی ئەم پرۆژەیەدا هاتووە کە بۆ ساڵی داهاتوو ژمارەی تەراکتۆرەکان بۆ ٩ تەراکتۆر بەرزبکرێتەوە و بەمەش جوتیارانی ناوچەی سیدەکان سودمەند بکەن.





ئەم هەواڵە 1525جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad