English | عربی | Kurdî دواهەواڵ
ڕاستەوخۆ  
 
 سه‌باره‌ت به‌ بڵاوبوونه‌وه‌ی پرسیاری تاقیكردنه‌وه‌كان وەزارەتى پەروەردە ڕوونکردنەوەیەکی راگه‌یاند
2018-06-07 [02:50 AM]

ZNA - هه‌ولێر


 

وه‌زاره‌تی په‌روه‌رده‌كه‌ رایده‌گه‌یه‌نێت بڵاوبوونه‌وه‌ی پرسیاری تاقیكردنه‌وه‌كان له‌لایه‌ن هه‌ندێك په‌یگه‌وه‌ هیچ بنه‌مایه‌كی راستییان نییه‌، وتیشی جێگه‌ی داخه‌ له‌لایه‌ن هه‌ندێك كه‌سی نه‌ناسراوه‌وه‌ شه‌یر و پۆستی ده‌كه‌ن.

 

ئه‌مه‌ش ده‌قی روونكردنه‌وه‌كه‌یه‌:

ماوەى چەند ڕۆژێکە لە تۆڕە کۆمەڵایەتییە نەناسراوەکان، پرسیارى کۆن بڵاو دەکرێنەوە گوایە هى ئەمساڵن و ئەوەى جێگەى داخە هەندێک خەڵکى ناسراویش بێ وەبەرچاوگرتنى هەستى بەرپرسیاریەتى و ئەخلاقی، شەیر و پۆستى دەکەن، بێ ئەوەى بیر لە کاریگەرییە خراپ و نەرێنییەکانى ئەم کردەیە لەسەر دەروونى قوتابی و خوێندکاران بکەنەوە.

لە دوو ڕۆژى ڕابردوو، چەند پەڕەیەکى ئینگلیزى بە چەندین شێوە بڵاو کرانەوە گوایە تاقیکردنەوەى ئەوڕۆى ئینگلیزییە، بەڵام ئەوڕۆ بەیانى بە بەڕێوەچوونى تاقیکردنەوەکە دەرکەوت ئەم کارانە هیچ بنەمایەکى ڕاستییان نییە و تەنیا بۆ شێواندنى دەروونى قوتابی و بازرگانیکردن و زیادکردنى لایک و شەیرکردنى پەیجەکانە و تەنانەت هەندێکیش بانگەشەى ئەوەیان دەکرد گوایا پرسیارەکان بە شەوێک لە لایەن بەڕێوەبەرایەتى ئەزموونەکانەوە گۆڕدراون، لە کاتێکدا هەموومان دەزانین پڕۆسەى ئامادەکردنى پەڕەى تاقیکردنەوەیەک بۆ نزیکەى ٧٠ هەزار قوتابی زیاتر لە ٥ ڕۆژى دەوێت، ئیتر چۆن دەکرێت لە شەوێکدا ئەم کارە ئەنجام بدرێت. بە پێى هەموو ئەم بانگەشانەى نێو تۆڕە کۆمەڵایەتییەکانیش بێت، دەبێت ئاست و ڕێژەى دەرچوون زۆر لە سەرەوە بێت، کەچى ئاستى دەرچوون لە تاقیکردنەوەکانى ئەم خوولە بە تاقیکردنەوەکەى ئەمڕۆشەوە لە نێوان ڕێژەى (٢٠% بۆ ٢٦%)ـە.

قوتابیان و خوێندکارانى خۆشەویست و کەسوکارە بەڕێزەکانیان دڵنیا دەکەینەوە کە تاقیکردنەوەکان زۆر باش و تۆکمە بەڕێوە دەچن و هەمووش دەزانین ساڵى ڕابردوو ١٠٠ قووتابی و خوێندکارە یەکەمەکانى سەر ئاستى هەرێم لە بنەماڵەى هەژار و ئەو قوتابیانە بوون کە لە پۆلى ١٠ و ١١ى ئامادەیی نمرەیان باش هەبوو. وەک وەزارەتى پەروەردەش بەدواداچوونمان کردووە و دەکەین بۆ هەموو ئەو کەسانەى کە هۆکار بوون لە شێواندنى دەروونى قوتابی و خوێندکاران و دروستکردنى فەوزا و هەر وەک دوو ساڵى ڕابردوو دەیاندەینە دادگا و سزا دەدرێن!

وەزارەتى پەروەردە
٧/٦/٢٠١٨ى زایینى

 





ئەم هەواڵە 4792جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad