English | عربی | Kurdî دواهەواڵ
ڕاستەوخۆ  
 
ئەڵمانیا ... فەرمانی دەستگیرکردن بۆ به‌رپرسێكی نزیك به‌شار ئه‌سه‌د دەردەکرێت
2018-06-09 [10:52 AM]

ZNA - هه‌ولێر


 

داواکاری گشتی ئەڵمانیا، بە تۆمەتی کوشتن و ئەشکەنجەدانی سەدان کەس، فەرمانی دەسـتگیرکردنێکی نێودەوڵەتی بۆ جەنەڕاڵ جەمیل حەسەن بەڕێوەبەری هه‌واڵگری هێزی ئاسمانی سوریا دەرکرد.

رۆژنامەی دێرشبیگلی ئەڵمانیا ئەمڕۆ هەینی بڵاویکردووەتەوە جەنەڕاڵ جەمیل حەسەن کە یەکێکە لە کەسە نزیکەکانی سەرۆکی سوریا بەشار ئەسەد، بە تۆمەتی ئەنجامدانی تاوانی دژی مرۆڤایەتی فەرمانی دەسـتگیرکردنی بۆ دەرچووە.

رۆژنامەکە دەڵێت ئەمە یەکەمجارە هەوڵێکی ڕژد لە لایەن وڵاتێکی ڕۆژئاوایـیەوە بدرێت بۆ بەرپـرسیارێتیکردنی ڕژێمی ئەسەد لەو تاوانانەی بەرامبەر خەڵکی سوریا کردوونی لەوەتای ڕاپەڕین و شەڕی ناوخۆ لەو وڵاتە لە ساڵی 2011 وە دەستیپـێکردووە.

بەپـێی دێرشبیگل داواکاری گشتی ئەڵمانیا لە فەرمانی دەسـتگیرکردنەکەی ئاماژەی بۆ ئەوە کردووە جەنەڕاڵ جەمیل لە نێوان ساڵانی 2011 و 2013 فەرمانی بە ئەفسەرەکانی کردووە دەسـتگیرکراون ئەشکەنجە بدەن و دەسـتدرێژی سێکسیان بکەنەسەر و بیانکوژن.

ڕاپـۆرتەکان باس لەوە دەکەن بەشێک لەو تۆمەتانەی ئاڕاستەی جەنەڕاڵ جەمیل کراون بەپـێی کۆمەڵە وێنەیەکە کە لەلایەن کەسێکەوە بە ناوی قەیسەر دزەی پـێکراوە. جه‌میل لە پـۆلیسی لەشکری سوریا بووە و لە ساڵی 2013 وڵاتەکەی جێهێشتووە و لەگەڵ خۆیدا زیاتر لە 55 هەزار وێنەی بردووە کە تیایاندا تەرمی قوربانیـیەکان نیشان دەدرێن و ئاسەواری ئەشکەنجەدانیان پـێوەیە.

هەرچەندە ئەو تاوانانە لە دەرەوەی ئەڵمانیا کراون، بەڵام بەپـێی یاساکانی ئەڵمانیا دەکرێت کەیسی یاسایی بۆ هەموو تاوانێک بکرێتەوە بەبێ گوێدانە شوێنی ڕوودانی تاوانەکە.

 

voa

 

 





ئەم هەواڵە 4483جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad