English | عربی | Kurdî دواهەواڵ
ڕاستەوخۆ  
 
هاوکارییەکانی دەزگای خێرخوازیی بارزانی دەگاتە هه‌ڵه‌بجه‌ و بیارە
2018-06-10 [12:46 PM]

ZNA - هه‌ولێر


 

دەزگای خێرخوازیی بارزانی لە مانگی رەمەزانی پیرۆزدا چەندین پرۆژەی خێرخوازیی بەمەبەستی هاوکاری کردنی هەژاران و کەمدەرامتان بەڕێوەدەبات و لە درێژەی ئەو پرۆژاندە پێداویستی گەیاندە ٢٥٠ خێزانی هەژار و کەمدەرامەتی هەڵەبجە، و لە شارەدێی بیارەش هاوکاری ٢٥٠ خێزانی هەژار و کەمدەرامەت ده‌كات.

 

ئەمڕۆ یه‌كشه‌ممه‌ کاروانێکی هاوکارییەکانی دەزگای خێرخوازیی بارزانی گەیشتە شارەدێی بیارەی سەربە پارێزگای هەڵەبجە. لەم پرۆژەیەی دەزگای خێرخوازیی بارزانی‌دا پێداویستی خۆراکی و تەندرووستی پێشكەشی ٢٥٠ خێزانی هەژار و کەمدەرامەت کرا.

 

سۆران خەلەف بەرپرسی ئۆفیسی سلێمانی دەزگای خێرخوازیی بارزانی، سەبارەت بە کاروچالاکییەکانی دەزگا لەو ناوچەیەدا گوتی:'' ئێمە وەکوو دەزگای خێرخوازیی بارزانی هەوڵمان داوە لەگەڵ نزیکبوونەوەی جەژنی رەمەزانی پیرۆز بەشێک لە پێداویستییە هەرە گرنگەکانی خێزانە هەژار و کەمدەرامەتەکان دابین بکەین و هەر بۆیەش لە دوو چالاکییدا لە شارەدێی بیارە و شارۆچکەی شارەزوور هاوکاری ٥٠٠ خێزانمان کردووە''.

 

له‌ رێکەوتی ٧/٦/٢٠١٨ ئۆفیسی دەزگای خێرخوازیی بارزانی لە سلێمانی بەمەبەستی هاوکاری گەیاندن بە هەژاران و کەمدەرامەتانی پارێزگای هەڵەبجە، گەیشتنە سنوری ئەو پارێزگایە و لە پرۆژەیەکدا پارسێلی خۆراک و پێداویستی خاوێنکەرەوەیان بەسەر ٢٥٠ خێزاندا دابەش کرد.

 

جێگای ئاماژەیە دەزگای خێرخوازیی بارزانی لە مانگی رەمەزانی پیرۆزدا لە چەندین پرۆژەی هاوشێوەدا بە سپۆنسەری وڵاتانی کوێت و ئیمارات و رێکخراو و ناوەندە جیهانی و ناوچەییەکان، هاوکاری ئاوارە و پەنابەران و خەڵکی هەژار و کەمدەرامەت لە سنوری هەرێمی کوردستاندا دەکات.





ئەم هەواڵە 3100جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad