English | عربی | Kurdî دواهەواڵ
ڕاستەوخۆ  
 
به‌رێوبه‌رایه‌تی ھاتووچۆی سلێمانی ئاگادارییەک بۆ سەرجەم چێشتخانه‌كان بڵاو دەکاتەوە
2018-06-11 [07:44 AM]

ZNA-هه‌ولێر


بەڕێوەبەرایەتیی ھاتوچۆی پارێزگای سلێمانی ئاگادارییەکی بۆ ئەو خواردنگانە بڵاو کردەوە، کە کاری گەیاندن (Delivery) ئەنجام دەدەن.

ئەمڕۆ دووشەممە ١١/٦/٢٠١٨، بەڕێوەبەرایەتیی ھاتوچۆی پارێزگای سلێمانی ئاگادارییەکی لە ماڵپەڕی فەرمیی خۆی بڵاو کردەوە، تێیدا ھاتووە: "ئاگاداری سەرجەم ئەو چێشتخانە و ڕێستۆرانت و دووکان و خواردنگەیانە دەکەینەوە، کە کاری گەیاندن (دیلیڤەری)یان لە ڕێگەی ماتۆرسکیلەوە ئەنجام دەدەن، لەکاتی گەیاندنی خواردن و شتومەکەکانیاندا، شۆفیری ماتۆرسکیلەکانیان ئاگادار بکەنەوە، کە لەکاتی کارکردنیاندا، پێویستە مەرجەکانی سەلامەتی بەکار بھێنن".

ئاماژە بەوەش دراوە، کە پێویستە شۆفێری ماتۆرسکیلەکان ئەم پێداویستییانە بپۆشن: کڵاوی سەرپارێز (خوژە) و سەرئەژنۆ و سەرئانیشک، ھەروەھا پێویستە ماتۆرەکانیان ھەموو مەرجێکی توندوتۆڵییان تیادا بێت و لە بەڕێوەبەرایەتییەکانی ھاتوچۆدا تۆمار کرابن، شۆفێری ماتۆرەکانیش خاوەنی مۆڵەتی شۆفێریی تایبەت بە ماتۆرسکیل بن.

ھاتوچۆی سلێمانی باسی لەوەش کردووە: "ئەگەر ئەم ڕێنماییانە جێبەجێ نەکرێن، شۆفێرەکانیان ڕووبەڕووی لێپرسینەوەی یاسایی و دەستبەسەرداگرتنی ماتۆرسکیلەکانیان دەبنەوە".





ئەم هەواڵە 5392جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad